سەرۆک مەسعوود بارزانی ئیرۆ 15 بەرچلە پێشوازی ل داخویانیا ئەحمەد شەرع یا ل سەر گەلێ کورد ل سووریەیێ کر و راگھاند، “پێویستە کورد، عەرەب و ھەموو پێکھاتەیێن دن یێن سووریێ سوودێ ژ ڤێ دەرفەتێ وەربگرن، ژ بۆ ب ھەڤ رە بەشداری دامەزراندنا سووریەیەکە ئارام، ئازاد و دەمۆکراتیک ببن.”
داخویانیا سەرۆک بارزانی:
من داخویانیەکە برێز ئەحمەد شەرع یا ل سەر گەلێ کورد ل سووریەیێ دیت کو گەلێ کورد وەک بەشەک ژ وەلات و ھەڤپارێ سووریەیا پاشەرۆژێ بناڤ کربوو.
ئەڤ نێرینا ل سەر کوردان و پاشەرۆژا سووریەیێ جھێ دلخوەشیێ یە و ئەم پێشوازیێ لێ دکن و ھێڤیدارن کو ئەڤ یەک ببە دەستپێکا راستکرنا پێڤاژۆیا دیرۆکێ و سەرەراستکرنا رەفتارێن چەوت و نەدروستێن ل ھەمبەر گەلێ کورد ل سووریەیێ ھاتنە کرن.
ئەڤ جورە نێرین ژ بۆ ئاڤاکرنا سووریەیەکە بھێز رێخوەشکەرن و پێویستە کورد، عەرەب و ھەموو پێکھاتەیێن دن یێن سووریێ سوودێ ژ ڤێ دەرفەتێ وەربگرن، ژ بۆ ب ھەڤ رە بەشداری دامەزراندنا سووریەیەکە ئارام، ئازاد و دەمۆکراتیک ببن.
