وه‌زاره‌تا به‌رگریێ یا تركیێ ئیرۆ زرارێن په‌كه‌كێ یێن سالا 2024ێ راگهاندن و ئاشكه‌ره كر، د ڤێ سالێ ده 2 هه‌زار و 939 چه‌كدارێن رێخستنێ د ئێریشێن وان ده هاتنه كوشتن.
ل گۆری داخویانییا وه‌زیرێ به‌رگریێ یێ تركیێ یه‌شار گوله‌ر كو ئیرۆ رۆژا یه‌كشه‌می 15/12/2024ێ دایه، د سالا 2024ێ ده ل رۆژئاڤا و باشوورێ كوردستانێ، 2 هه‌زار و 939 چه‌كدارێن په‌كه‌كێ، یه‌په‌گێ، هه‌سه‌دێ د ئیریش و ئۆپه‌راسیۆنێن جودا یێن ئارتێشا تركیێ ده هاتنه كوشتن.
هه‌ر وها گۆت: ژبلی ڤێ 99 چه‌كدار ژی ته‌سلیم بوونه.
رێخستنا په‌كه‌كێ ده‌ربارێ ڤێ ئامارا تركیێ ت ئاگاهی نه دانه.
پارتیا كاركه‌ران و ده‌وله‌تا ترك سه‌رێ هه‌موو ساله‌كێ ئامارێن شه‌ر رادگه‌هینن و هه‌ر یێك دبێژه مه ئه‌وقاس كوشتنه، لێبه‌لێ هه‌ردو ئالی راست نابێژن و ته‌نێ ڤێ وه‌كه شه‌ره‌كی مه‌دیایی یێ تایبه‌ت ل دژی هه‌ڤ د مه‌شینن و یێن كو زرارا راستین یا شه‌ر ددن ته‌نێ وه‌لاتیێن باشوورێ كوردستانێ نه.
