ئەنجوومەنا نشتمانی یا کورد ل سووریێ (ئەنەکەسێ) راگەھاند ل سووریێ پێویستە ب ئاوایەکی دەستووری مافێن کوردان بێن ناسین و سیستەما فەدەرالی ل سووریێ بێ ئاڤا کرن.
ئیرۆ 15/12/2024ێ ئەنەکەسێ د جڤینا خوەیا ل قامشلۆ دە بەحسا گرنگیا یەکتیا ھەلوێستا کوردان ل سووریێ و گرنگیا پاراستنا ناڤچەیێن کوردستانێ یێن ژ ھەموو دەستوەردانەکا دەرڤە کر.
ژ ئالیەکی دن ڤە ئەنەکەسێ راگەھاند، لەزێ دکن کو پەیوەندیێن ل گەل دەستھلاتێ ل شامێ دەینن و ھەلوێستا ئەنجوومەنێ ل سووریێ، پێکتێ ژ پێویستیا ناسکرنا دەستووری یا ھەبوونا گەلێ کورد و مافێن وێ یێن نەتەوی ل سووریێ و نەناڤەندی و فەدەرالیێ.
ئەنەکەسێ دیار کر، جیبجیکرنا بریارا 2254 یا نەتەوێن یەکبوویی بۆ چارەسەریا کریزا سووریێ، ب بەردەوامیا پەیوەندیێن لگەل ھەموو وەلاتێن عەرەبی و جڤاکا ناڤنەتەوی و رێزگرتنا ل مافێن پێکھاتەیان ل سووریێ ڤە مسۆگەر دبە.
ئەنەکەسێ د جڤینا خوە دە، ژ بەر پشتەڤانیا وی یا ل گەلێ کورد ل سووریێ و ھمبێزکرنا پەنابەرێن کوردێن سووریێ ل ھەرێما کوردستانێ و ھەر ژ دەستپێکا کریزا سووریێ یا سالا 2011 ھەتا نھا و پشتەڤانیا وی، سپاسیا سەرۆک بارزانی کر.
