پارتیا ماف و ئازادیان (هاک-پار)، پارتیا سۆسیالیستا کوردستانێ (په‌سه‌که)، پارتیا وەلاتپارێزێن کوردستانێ (پوک)، ل ستەنبۆلێ ل هۆلا کورد-کاڤێ، ب هەڤ رە، ب سەمینەرەکێ، «رۆژا ئالایا کوردستانێ» پیرۆز کر.
سەرۆکێ کورد-کاڤێ مەهمەت جەلال بایکارا دەستپێکا سەمینەرێ دەربارێ رۆژا ئالایا کوردستانێ ئاخافتنەک کر.
پاشێ نوونەرێ پوکیێ یێ ستەنبۆلێ جەنگیز گونگۆر بخێرهاتنا بەشداران کر، ژ بۆ جیهـ دانە وان سپاسیا کورد-کاڤێ کر و ژ بۆ شەهیدێن کوردستانێ رێز هات گرتن.
پشتی رێزگرتنا ژ بۆ شەهیدان، نوونەرێ پوکیێ یێ ستەنبۆلێ جەنگیز گونگۆر ب کوردی، ئالیکارێ سەرۆکێ گشتی یێ په‌سه‌کێ باهاتت تووران ب ترکی داخویانیا هەڤبەشا هاک-پار، په‌سه‌کێ و پوکیێ یا دەربارێ رۆژا ئالایا کوردستانێ خوەند.
سەرۆکێ تەشکیلاتا ستەنبۆلێ یا هاک-پارێ ئاهمەت ئەنگین ژی دەربارێ رۆژا ئالایا کوردستانێ ئاخفتنەک کر.
پشتی خوەندنا داخویانیا هەڤبەش، نوونەرێ تەڤگەرا ئاڤاکرنا دەمۆکراتیکا کوردستانیئا سووریەیێ موستافا عەڤدۆ و ئەندامێ مەجلسا پوکێ مەهمەت گول دەربارێ گرینگی، واتە و دیرۆکا ئالایا کوردستانێ ئاخڤین.
