درۆنەکە ترکیەیێ لهەڤکرنا ئاگربەستێ بنپێ کر و رادیۆیا کۆبانی FM بۆمبەباران کر.
رەوانگەها سووری بۆ مافێن مرۆڤان بەلاڤ کر، درۆنەکە ترکیەیێ دوهـ 18ێ بەرچلە ل گرێ بەرکەلێ باشوورێ کۆبانێ ستاسیۆنا وەشانێ یا رادیۆیا کۆبانی FM بۆمبەباران کر.
ئاماژە ب وێ ژی کر، د ئەنجامێ دە ئالاڤێن ستاسیۆنێ شەوتین، بێیی کو ت زیانێن جانی هەبن.
دا زانین ژی، ئەڤ ئێریش بنپێکرنا ئاگربەستا کو ب ناڤبێنکاریا ئامەریکایێ هاتیە کرن، کو نیڤێ شەڤا سێشەمێ/چارشەمێ، د ناڤبەرا هه‌سه‌دێ ژ ئالیەکێ ڤە، و هێز و گرووپێن ئالیگرێن ترکیێ دە پێک هاتبوو.
ژ ئالیەکی دن ڤە، ناڤەندا راگهاندنێ یا هه‌سه‌دێ راگهاند، د ئەنجاما بەرسڤدانا ئێرشێن چەکدارێن سەر ب ترکیەیێ ڤە ل دژی بەنداڤا تشرینێ یا ل باشوورێ باژارێ کۆبانێ دە، 37 چەکدار هاتن کوشتن و ب دەهان ژی بریندار بوون.
