دەستەیا رێڤەبەریێن ھەرێمی یا پارتیا وەکھەڤی و دەمۆکراسیێ یا گەلان (دەم پارتی) راگھاند، ھەڤشارەدارا ناڤچەیا ھەزەخێ یا شرنەخێ تورکان کایر ژ پارتیێ ھاتیە دوورخستن.
دەم پارتیێ دوورخستنا تورکان کایر د داخویانیێ دە ئاشکەرە کر و دیار کر:
“د ھلبژارتنێن 31 ئادارا 2024 دە گەلێ ھەزەخێ ب ژ سەدی 71.27 دەنگان ئیرادەیا خوەیا ژ بۆ پارتیا مە نیشان دا. پشتی ھلبژارتنان، وەکە پارتیا دەم و پێکھاتەیێن وێ یێن سازی، مە وەکە پرەنسیبا خوەیا بنگەھین دەستنیشان کر کو وێرانیا وەفاداریێ یا 8 سالن ل ھەزەخێ ھاتیە چێکرن، ژ ھۆلێ راکن. بەلێ، مە دیت کو ھندەک کەسان خوەستن وێرانکرنا کو وەلیان ب سالان بەلاڤ کربوون بدۆمینن.
مخابن د ڤێ ھەیاما 8 مەھان دە ھات دیتن کو نێزیکاتیێن کو نرخ و پرەنسیبێن تێکۆشینا مە یا دەمۆکراتیک ل بەر چاڤ ناگرن، خزمەتا گەل ئەساس ناگرن، ئیرادەیا ھلبژارتنێ ل بەر چاڤ ناگرن، ب زیھنیەتێن دژە پارتی تەڤدگەرن و ھەول ددن. شارەداریێ ب تێکلیێن ھەڤرێتیێ ئیدارە دکن. ھەولدان و خەباتێن ئاڤاکەر یێن دەمدرێژ یێن پارتیا مە بەر چاڤ ناگرن، نێزیکاتیەکە کو د خوە دە ئیسرار دکە، دەرکەت پێش. ژ بەر ڤێ یەکێ ھەڤشارەدارا ھەزەخێ تورکان کایر ژ دەستەیا دسپلینێ یا ناڤەندی یا پارتیا دەمێ رە وھا گۆت؛ ئەندامێ مەجلیسا شارەداریێ ئەکرەم شیمشەک سەوقی لژنەیا دسپلینێ یا شرنەخێ یا پارتیا دەمێ ھات کرن.
پێڤاژۆیێن دسپلینێ یێن دەر بارێ کایر و شیمشەک دە ژ ئالیێ لژنەیێن مە ڤە ھاتن نرخاندن و ب داوی کرن. کۆمیتەیێن مەیێن دسپلینێ بریارا دەرکرنا کایر و شیمشەک ژ پارتیا مە دان.
ئەم جارەکە دن سۆز ددن کو ئەم دێ ل دژی زیھنیەتێن کو نرخێن ڤی گەلی ژ بۆ بەرژەوەندیێن خوە بکار تینن تێبکۆشن. ل گەل ئەندامێن مەجلیسێ ئەم دێ د مەجلیسا شارەداریا ھەزەخێ دە بەرتەک و دژبەریا خوەیا دەمۆکراتیک بدۆمینن و ب گەلێ خوە رە تەڤبگەرن.”
ھەڤشارەدەرا ھەزەخێ تورکان کایرا سووریان ل سوێسرایێ دژییا و پشتی 37 سالان ڤەگەریابوو باژارێ خوە. ھات ئیددیعاکرن کو ھەڤسەرۆکێ ھەزەخێ دۆگان ئادبەل ئیمزەیا وێ ژ بۆ کارێن نە یاسایی بکار ئانیبوو و وێ ژی دەرحەقێ وی دە سالا تۆمارکربوو.
