سازییا ئیستخباراتا نەتەوەی یا ترکیەیێ (میت)ێ بەرپرسەکا پەکەکێ یا ب ناڤێ یایلا کزلکایا کو ب کۆدناڤێ “نەسرین ئامەد” تێ ناسکرن، ل باژارێ قامشلۆ یێ رۆژئاڤایێ کوردستانێ کوشت.
مەدیایا ترکیەیێ ئیرۆ رۆژا پێنجشەمی 19/12/2024، ب پشتبەستن ل سەر ئاگاهیێن کو ژ سازیێن ئەولەهیێ یێن ترکیەیێ ب دەست خستین ئەشکەرە کر، نەسرین ئامەد د 14 سالیا خوە دا تەڤلی رەفێن پەکەکێ بوویە و بەشداری گەلەک چالاکیێن پەکەکێ ل ترکیێ، ئیراق و سووریەیێ کریە، ژ بەر ڤێ یەکێ ژی ناڤێ وێ د لیستەیا لێگەرینێ یا ترکیەیێ دە هەبوویە.
مەدیایا ترکیەیێ هەر وەها ئەشکەرە کر، ئەڤ دەمەک درێژ بوو کو میتێ ئەڤ بەرپرسا پەکەکێ ل رۆژئاڤایێ کوردستانێ دشۆپاند و داوی جار ل قامشلۆیێ ب ئۆپەراسیۆنەکە لەشکەری ئەو کوشت.
