ل 19 باژارێن ترکیێ و باکورێ کوردستانێ، ب تۆمەتا ئالیکاری و بانگەشەیا پەکەکێ، 40 کەس ھاتن بنچاڤکرن.
وەزیرێ ناڤخوەیێ ترکیەیێ عەلی یەرلیکایا ل سەر ھەژمارا خوەیا تۆرێن جڤاکی راگھاند، تیمێن جەندەرمەیان ب فەرمانا سەردۆزگەران، ل 19 باژاران ب سەدەما ئەندامەتی، ئالیکاری و بانگەشەیا پەکەکێ، ئۆپەراسیۆن کرنە.
دیار کر ژی، د ئۆپەراسیۆنان دە، ل دیاربەکر، وان و رحایێ ب گشتی 11 باژارێن باکورێ کوردستان و ئانتالیا و مێرسین و چەند باژارێن دن یێن ترکیێ، 40 کەس ھاتنە بنچاڤکرن.
وەزیرێ ناڤخوەیێ ترکیێ ھەر وھا گۆت، د ئۆپەراسیۆنێ دە ھەژمارەکا مەزن ژ دۆکومێنتێن رێکخستنی و ئەلەکترۆنی ھاتنە دەستەسەرکرن.
