ئارتێشا تركیێ وه‌ستگه‌هه‌كه به‌نزینێ و دبستانه‌ك ل باكورێ حه‌سه‌كێ تۆپباران كرن
د بەردەوامیا شەر دە، هێزێن ترکیێ و کۆمێن سەر ب وان ڤە وەستگەهەکا بەنزینێ و دبستانەک ل باکورێ رۆژئاڤایێ حەسەکێ کرن ئارمانج.
هێزێن ترکیێ و گرووپێن ئالیگرێن وان د ناڤ هه‌رێما ئۆپه‌راسیۆنا «کانیا ئاشتیێ» دە، ب تۆپا گران ستاسیۆنەک بەنزینێ و دبستانەک ل باژارۆکێ ئەبوو راسین ل باکورێ رۆژئاڤایێ حەسەکێ بۆمبەباران کرن، کو د ئەنجامێ دە ب تەمامی وێران بوون.
روانگه‌ها سووری یا مافێن مرۆڤان ئیرۆ رۆژا یه‌كشه‌می 22 كانوونا 2024ێ به‌لاڤ كر، ئیرۆ هێزێن ترکیێ و گرووپێن سەر ب وان ڤە، ب تۆپا گران گوندێن قابوور قەرەجەنە و خەدەر حوسێن یێن د بن کۆنترۆلا هێزێن سووریا دەمۆکراتیک دە ل گوندەوارێ تل تەمرێ ل باکورێ رۆژئاڤایێ حەسەکێ، کرن ئارمانج.
ده‌ستنیشان كر، هێژان ئاگاهی ده‌ربارێ وه‌نداهیێن جانی یێن ڤێ تۆپبارانێ نه‌هاتنه ده‌ست خستن.
ئێریشێن ئارتێشا تركیێ و كۆمێن چه‌كدارێن سه‌ر ب وێ ڤه ژ پاش هلوه‌شینا ره‌ژیما ئه‌سه‌د ل سه‌ر رۆژئاڤایێ كوردستانێ پڕ دژواربوونه، ل هەرێمێ ئالۆزی بەردەوامە د ئەنجاما ئۆپەراسیۆنێن سەربازی و ئارمانجکرنا دوبارە یا گوند و باژارۆکان دە، ترسه‌ك مه‌زن ل جه‌م شێنییان چێبوویه.
