رۆژا شەمیبێ 21/12/2024، فەرماندارێ ھێزێن سووریا دەمۆکراتیک(ھەسەدێ) مەزلوم عەبدی د ھەڤپەیڤینەکا ل گەل کانالا فرانس 24 دە راگەھاند، کو ئەو داخوازا ھەرێمەکە فەدەرال ل سووریێ ناکن.
ھەروھا دیار کر کو ژ بەر وێ ژی ھەتا نھا ل گەل دەستھلاتا نوویا سووریێ نەجڤیانە، لێ ئامادەنە کو ل گەل وان جڤینێ بکن و گۆتووبێژێ بکن. ھەروھا دبێژە، “ئەم داخوازا ھەرێمەکا فەدەرال ژ سووریێ ناکن، بەلکو داخوازا سووریەکا یەک پارچە دکن.”
فەرماندارێ ھەسەدێ ئاشکەرا کر کو ئەو دخوازن ھێزێن وان ببن بەشەک ژ ئارتێشا نیشتمانی یا سووریێ گەر ل دەمێ پێش دە بێ ئاڤا کرن، “دەما کو ھەسەدە ژی ھات ئاڤا کرن، مە وێ دەمێ ژی گۆت کو دڤێت ئەو ھێز ببە بەشەک ژ ھێزێن نیشتمانیا سووریێ.”
ھەروھا گۆت: “گرووپێن چەکدارێن سەر ب ترکیێ ل کۆبانێ و منبج و چەمێ فراتێ نێزیک دبن، ئەم دێ ل گەل ئامەریکایێ بەردەوام ببن بۆ زەخت خستنا سەر ترکیێ دا کو شەر راوەستینە.”
مەزلووم عەبدی بانگ ل رێڤەبەریا نوویا سووریێ کر کو ئەرکا خوە پێک بینە و دەستوەردانێ بکە ژ بۆ راوەستاندنا شەر ل باکورێ سووریێ و گۆت: “د ناڤبەرا مە و حکوومەتا نوو دە شەر تنەیە، بەلکو ھەماھەنگیا مە ھەیە ژ بۆ دەستپێ کرنا گۆتووبێژا بۆ چارەسەرکرنا پرسگرێکان د دەما پێش دە. ئەو داخویانیێن کو نھا ژ ئالیێ رێڤەبەریا نوویا سووریێ ڤە ل شامێ ھاتنە دایین ئەرێنینە و ئەم پێشوازیێ لێ دکن.”
