ئیرۆ دێ شاندەکێ ئەنەکەسێ لگەل مەزلووم عەبدی بجڤە

 شاندەکێ ئەنەکەسێ ب سەرپەرشتیا ئامەریکایێ ب فەرماندارێ گشتی یێ ھێزێن سووریەیا دەمۆکراتیک (ھەسەدێ) دجڤە.

چاڤکانیەکێ ژ ئەنجوومەنا نشتیمانی یا کورد ل سووریەیێ (ئەنەکەسێ) ژ بۆ کوردستان 24ێ راگەھاند، “ئیرۆ (دوشەمبێ، 23/12/2024) شاندەکێ ئەنەکەسێ ل باژارێ حەسەکەیێ لگەل فەرماندارێ گشتی یێ ھێزێن سووریەیا دەمۆکراتیک (ھەسەدێ) مەزلووم عەبدی دجڤە.

ھەر وی ژێدەری دا دیارکرن، د بەشەکا دن یا گۆتنێن خوە دە بال کێشا سەر وێ یەکێ ژی کو، ئەو جڤین دێ ل ژێر سەرپەرشتیا راستەراستا ئامەریکایێ بێ کرن.

وێ چاڤکانیێ د دەرحەقا ئارمانجا وێ جڤینێ دە ژی ئاماژە دا، “داوی پێشھاتێن سووریەیێ، پاراستنا دەڤەرێن کوردان و ھەڤگرتنا پارتیێن کوردان یێن رۆژئاڤایێ کوردستانێ ژ بۆ دانووستاندنێن شامێ دێ تەوەرێن وێ جڤینێ بن.”