دەزگەھا راگھاندنێ یا ئیسرایلێ ژ زارێ کاربدەستان راگھاند کو، ئیسرایل ھزرا وێ یەکێ دکە کو ئالیکاریا کوردێن رۆژئاڤایێ کوردستان ب ئاوایەکی “نەلەشکەری” بکە.
ل گۆری رایەداران، ئیسرایل ژ نیازا تورکیێ یا ژ بۆ دەستپێکرنا ئۆپەراسیۆنەکا لەشکەری یا بەرفەرەھ ل دژی کوردێن رۆژئاڤایێ کوردستانێ، دلگرانە.
داخویانیێن بەرپرسان ژ بۆ دەزگەھا راگھاندنا ئیسرایلی پشتی ھەڤدیتنا د ناڤبەرا فەرماندارێ هەیئەت تەحریر ئەل-شام ئەحمەد ئەل-شەرع یێ ناسکری ب “ئەبوو محەمەد ئەل-جوولانی” لگەل وەزیرێ دەرڤەیێ تورکیێ ھاکان فیدان رۆژا یەکشەمبێ ل شامێ ھاتن.
فیدان و ئەل-شەری رازیبوونا خوە ل سەر پێویستیا ھلوەشاندنا ھەموو پێکھاتەیێن چەکدار و رادەستکرنا چەکێن وان ژ بۆ دەولەتێ دیار کرن، د ناڤ وان دە ئالیێن کوردی.
فیدان تەکەز کر کو “جھێ چەکدارێن پارتیا کارکەرێن کوردستانێ و یەکینەیێن پاراستنا گەلێ کورد د پاشەرۆژا سووریێ دە نەمایە.”
ژ ئالیێ خوە ڤە، ئەل-شەرعی گۆت: “ئەم چ جاران رێ نادن ھەبوونا چەکان ل دەرڤەیی دەستێن دەولەتێ. کۆمێن چەکدار دێ خوە یەک ب یەک ھلوەشینن و ئەڤ یەک ژی ل سەر چەکدارێن ناڤچەیێن د بن کۆنترۆلا ھێزێن سووریا دەمۆکراتیک دە جی تێ جێبەجێکرن، ژ بەر کو ھەبوونا ئالیەکێ چەکدار ل ھەر جھەکێ تێ واتەیا مەترسیێ ل سەر ئەولەھی و ئارامیێ.”
