هێزێن سووریەیا دەمۆکراتیک (هەسەدێ) ناسنامەیا 15 شەرڤانێن کو د مەھا مژدار و کانوونێ دە د شەرێ ل دژی ترکیێ و گرووپێن سەر ب وێ ڤە جانێ خوە ژ دەست دایی ئەشکەرە کر.
ناڤەندا راگھاندنێ یا هەسەدێ د دەربارێ شەر و پەڤچوونێن ڤێ داویێ یێن هەدسەدێ و گرووپێن چەکدار یێن سەر ب ترکیەیێ ڤە ل رۆژئاڤایێ کوردستانێ و هەژمارا شەرڤانێن جانێ خوە د دو مەهێن داوی دە ژ دەست دایی داخویانیەکە نڤیسکی وەشاند.
د داخویانیا خوە دە هەسەدێ ئەشکەرە کر، 15 شەرڤانێن وان ل گوندەوارێن حەلەب، منبج، پرا قەرەقۆزاقێ، بەنداڤا تشرین و دێرازۆرێ د شەرێ ل دژی ترکیەیێ و گرووپێن چەکدار یێن سەر ب وێ ڤە جانێ خوە ژ دەست دانە.
ناڤێن شەرڤانێن هەسەدێ یێن جانێ خوە ژ دەست دایی ئەڤن: حسێن عەلی، خالد ناسر، بەھجەت عۆمەر، خالد مەحموود، محەمەد ئەمین خەدبان، محەمەد سەرھان، بۆزان عۆسمان، ناسر فەلاج، مستەفا سادوون، ماجد حەمۆ، عەبدۆ عەبدوللاھ، خشمان ئیسماعیل، ئیبراھیم عەلی، ئەیمەن عایید و دلیار بەیرە.
