ئه‌نه‌كه‌سێ و پارتیا وه‌لاتپارێزێن كوردستانێ روودانێن ل سووریە و رۆژئاڤا گۆتووبێژ کرن

شاندەیەکە ئه‌نه‌كه‌سێ یێ ل ستەنبۆلێ، پارتیا وه‌لاتپارێزێن كوردستانێ زیارەت کر و وان روودانێن ل سووریە و رۆژئاڤایێ کوردستانێ گۆتووبێژ کرن.

شاندەیەکە ئەنجوومەنا نشتیمانی یا کورد یا سووریەیێ (ئه‌نه‌كه‌سێ) دۆهـ ل ستەنبۆلێ نوونەراتییا پارتیا وەلاتپارێزێن کوردستانێ (PWK) یا ستەنبۆلێ زیارەت کر.

شاندەیا ئه‌نه‌كه‌سێ ژ بەرپرسێ ئه‌نه‌كه‌سێ یێ ترکیەیێ موسلم محەمەد و رێڤەبرێ پدک-سیێ شڤان جەزیری پێک هاتبوو.

ئەندامێ کۆمیتەیا برێڤەبر یا PWK کاسم ئەرگون، نوونەرێ PWK  یێ ستانبۆلێ جەنگیز گونگۆر و رێڤەبرێن PWK شاندەیا ئه‌نه‌كه‌سێ پێشوازی کر.

ل گۆری داخویانیا PWK شاندەیێن هەر دو ئالیان، روودانێن ڤێ داویێ یێن ل سووریە و رۆژئاڤایێ کوردستانێ ئاگاهداری، بیر و باوەرییێن خوە ب هەڤ رە پارڤە کرن.

د داخویانیا PWK دە هات گۆتن کو هەر دو شاندەیان گرینگیا هشمەندی و سیاسەتەکە نەتەوەیی، نشتمانی یا ل هەر پەرچەیەکی کوردستانێ ئانین زمان.