دوھی ل ھەولێر و سلێمانیێ ئامادەبوونا شاندەکا دەم پارتیێ بالا مرۆڤان کشاند، ڤێ شاندێ لگەل سەرۆکێ یەنەکێ بافل تالەبانی ھەڤدیتن کر و پاشێ چوو سلێمانیێ. ھەر چەند ئارمانجا شاندێ وەک سەردانا یەنەکێ ھات نیشاندان ژی، ھات گۆتن کو شاندێ رێڤەبەریا سەرکردایەتیا ترکیەیێ یا پەکەکێ لگەل خوە ئانیە و ھەروھا نامەیەکا ژ ئیمرالیێ ژی ئانیە و لگەل رێڤەبەرێن کەجەکێ ھەڤدیتن کریە.
شاندا کو ژ ھەڤسەرۆکێ دەم پارتیێ توولای ھاتیمۆگولاری، ھەڤسەرۆکێ بەدەپێ کەسکین بایندر، ھەڤ ئاخفتنکەرێن کۆمیسیۆنا پەیوەندیێن دەرڤە یێن دەم پارتیێ ئیبروو گونای و بەردان ئۆزتورک پێک دھات، ھات راگھاندن کو د پشت سەردانا کو وەک ھەڤدیتنەکائاسایی یا لگەل یەنەکێ ھات نیشاندان دە پێشڤەچوونێن گرینگێن دەربارێ پێڤاژۆیێ دە ھەنە. چاڤکانیێن نێزیکی پەکەکێ یێن ل سلێمانیێ راگھاندن کو ل دەرڤەیی ئەندامێن خویا یێن شاندێ، 3 کەسێن دن ژی د ناڤ ناڤێن د سەرکردایەتیا ترکیەیێ و سەرکردایەتیا تەڤگەرا ژنان یا پەکەکێ دە جھ دگرن ھەنە. ل گۆری چاڤکانیان بەردان ئۆزتورک، ئیبرو گونای و کەسکین بایندر ب خوە ژی ئەندامێن سەرکردایەتیا پەکەکێ نە و ل دەرڤەیی ڤان ناڤان سێ کەسێن دن ژی ھاتن.
ل گۆری چاڤکانیان شاندێ نامەیا کو ژ ئیمرالیێ ژ بۆی ھەڤسەرۆکیا کەجەکێ ھاتیە شاندن ئانیە. ھەروھا لگەل رێڤەبەریا کەجەکێ ھەڤدیتن کر. سەرکردایەتیا ترکیەیێ یا پەکەکێ ژی جودا جڤین لدار خستن.
ل گۆری چاڤکانیێن نێزیکی پەکەکێ ڤێ شاندێ ژ ئیمرالیێ نامەیەک و راپۆرتەک ژ بۆی کەجەکێ ئانیە. نامە ژ ئالیێ ئۆجالان ڤە ھاتبوو شاندن. ھات گۆتن کو ناڤەرۆکا نامەیێ وەک نهێنیەکێ ھاتیە ڤەشارتن و راستەراست بۆ جەمیل بایک ھاتیە برن.
راپۆرات ژی ئەنجامێن جڤینێن کو سەرکردایەتیا پەکەکێ یا ترکیەیێ لگەل سازیان کربوو دحەواند. تێ دە مژارێن ئاسایی یێن وەک رەوشا گشتی یا پەکەکێ ل باکورێ کوردستانێ، سازی، رەوشا ئابۆری و ھتد ھەبوون. د راپۆرتێ دە ھەروھا بەحسا ھەڤدیتنێن کو لگەل ئیمرالیێ ھاتنە کرن و دێ هێن کرن، کی دێ د شاندان دە جھ بگرە و مژارێن ووسا ژی ھەبوون.
ھەروھا شاند و ئەندامێن سەرکردایەتیێ دو جڤینێن جودا لدار خستن، یەک ژ جڤینان جڤینەکە کو توولای ھاتیمۆگولاری ژی تێ دە بوو. توولای ھاتیمۆگولاری ژی بەشداری ڤێ جڤینێ بوو. و ھەڤدیتنێن کو دەم پارتیێ لگەل دەولەتێ کرنە ب کووراھی ھاتن راگھاندن. ھەروھا مژارێن وەک ھەلوەستا دەم پارتیێ پشتی پێڤاژۆیا سووریەیێ یا نوو پێش کەتی و ھتد ھاتن نرخاندن.
جڤینا دویەم ژی پتر جڤینەکە کو لگەل سەرکردایەتیا پەکەکێ ھاتیە کرن و پتر رەوشا پەکەکێ یا ل باکورێ کوردستانێ گوفتگۆ دکر.
ھات راگھاندن کو جڤین ھەتا ئیرۆ بەردەوام دکن. ھەروھا چاڤکانیان گۆت کو کەجەکێ ژ دەم پارتیێ و سەرکردایەتیا پەکەکێ یا ترکیەیێ دو تەعلیماتێن جودا نڤیسینە و دێ بەرسڤا نامەیێن ئیمرالیێ ژی بنڤیسە.
چاڤکانیێن نێزیکی پەکەکێ گۆتن کو ژ بەر کو رێڤەبەرێن پەکەکێ دترسن ببن ئارمانجا درۆنان جڤین ب ئاوایەکی گەلەک ڤەشارتی دهێنە ئەنجامدان.
