13 کارمەندین سازیا مالباتێن شەهیدێن رێڤەبەرییا خوەسەر هاتن رەڤاندن
هات هینبوون کو د 11ێ ڤێ مەهێ دە 13 کارمەندێن سازیا مالباتێن شەهیدێن رێڤەبەرییا خوەسەر یا رۆژئاڤایێ کوردستانێ ژ ئالیێ شۆفێرێ پاسا کارمەندان ڤە، بەر ب جیهەکێ نەدیار ڤە هاتنە رەڤاندن و هەیا نها پەیەدێ و رێڤەربەریا خوەسەر ت داخویانی د دەربارا ڤێ مژارێ دە نەدانە.
چاڤکانیێن تایبەت یێن دارکا مازی ل رۆژئاڤایێ کوردستانێ ئەشکەرە کرن، 13 کارمەندێن سازیا مالباتێن شەهیدێن رێڤەبەرییا خوەسەر د رۆژا 11/12/2024 ژ ئالیێ شۆفێری پاسا کارمەندێن ڤێ سازیێ ڤە یێ ب ناڤێ محەمەد حەنزللا کو ب ئەسلا خوە عەرەبە ل قەزایا منبجێ هاتنە رەڤاندن و هەیانی نها چارەنڤیسا وان نەدیارە.
ڤی ئاژۆکارێ پاسێ ئەڤ 13 کارمەندێن رێڤەبەرییا خوەسەر د رێیا ناحیەیا ئەعزاز رە رەڤاندنە و بەر ب جیهەکی نەدیار ڤە برنە.
چاڤکانیێن دارکا مازی هەر وەها تەکەز کرن، محەمەد حەنزللا ژ شێنیێن ناحیەیا ئەل-غەندوورە یا سەر ب قەزایا منبجێ یە.
دارکا مازی ناڤێن دو ژ کارمەندێن رەڤاندی ب دەست خستنە کو ئەڤن:
دیلان زەکی برهۆ، ژ شێنیێن گوندێ بۆراسە و ژ هۆزا کزیرە.
عندلین شهب بلک، ژ شێنیێن گوندێ بۆراسە و ژ هۆزا کزیرە.
