د 24 کانوونا پێشین یا 2024 دە، تۆرا چاڤدێریا سووریێ یا مافێن مرۆڤان گرتنا نڤیسکار فەیسەل قەدری ژ باژارێ قامشلۆ ل گوندەوارێ پارێزگەھا حەسەکێ ژ ئالیێ کارمەندێن ئاساییشێ یێن گرێدایی ھێزێن سووریا دەمۆکراتیک ڤە د سبەھا رۆژا سێشەمبێ دە بەلگە کر، و راگهاند ئەڤ کادرۆیێ پارتیا یەکیتی کوردستان –سووریێ بەر ب جیهەکی نەدیار ڤە هاتیە برن و ھەتا نھا چارەنڤیسا وی نە دیارە.
ھێژایی گۆتنێیە کو فەیسەل قادری ئەندامێ پارتیا یەکیتییا کوردستانی یا گرێدایی ئەنجوومەنا نشتمانییا کورد (ئەنەکەسێ) ل سووریێ یە. ھەر وھا ھاتە دەستنیشانکرن کو ھێزێن سووریەیا دەمۆکراتیک و شاخێن وێ یێن ئەولەکاریێ ھین ژی بنپێکرنێن خوەیێن ل دژی سڤیلان و دژبەران ل ھەرێمێن د بن کۆنترۆلا خوە دە ددۆمینن، ب ئاوایەکی بێھش، بێ ھشیاری و ب بەھانەیێن دەرەو، وان دگرن.
تۆرا سووری یا چاڤدێریا مافێن مرۆڤ ترسا خوە ژ چارەنڤیسا نڤیسکار فەیسەل قەدری دیار دکە، و ھشیاری دا کو دبە کو راستی ئیشکەنجەیا لاشی یان ژی ونداکرنا ب زۆرێ وەرە.
رەڤاندنا ڤی کادرۆیێ پارتیا یەکیتی کوردستان –سووریێ د دەمەکی دە یە کو د جڤینا د رۆژا 23/12/2024 دە ل حەسەکێ ب ئامادەبوونا نوونەرێ نەتەوێن یەکبوویی د نێڤبەرا ئەنەکەسێ و مەزلووم عەبدی دە هاتبوو لدار خستن، نوونەرێ ئەنەکەسێ داخواز کربوو کو ئێدی کادرۆیێن وان نەیێن رەڤاندن و یێن گرتی ژی سەربەست وەرن بەردان، مەزلووم عەبدی ژی ل سەر ڤێ یەکێ رازی بووبوو.
