پشتی 5 مەهان ژ گرتنێ، ئەندامەکێ ئەنجوومەنا نشتیمانی یا کوردی ل سووریێ (ئه‌نه‌كه‌سێ)، ل باژارێ قامشلۆ سەربەست هات بەردان.
پێگەها ئه‌نه‌كه‌سێ دیار کر، ئەندامێ وان رەمەزان حاجی ئیرۆ 26ێ بەرچلەیا 2024ان ژ گرتیگەهەکە رێڤەبەریا خوەسەر سەربەست هات بەردان.
رەمەزان حاجی رۆژا 29ێ تیرمەها بۆری ل قامشلۆ هاتبوو گرتن و چارەنڤیسا وی نەدیار بوو.
سەرۆکاتیا ئه‌نه‌كه‌سێ پێشوازی ل رەمەزان حاجی کر و سەرۆکێ ئەنکسێ سلێمان ئۆسۆ و سەکرەتەرێ پارتیا دەمۆکراتا کوردستان – سووریێ (پدک-س) محەمەد ئسماعیل ل باژارێ قامشلۆ، پێشوازی ل رەمەزان حاجی کر.
رەمەزان حاجی باڤێ دو پێشمەرگەیێن رۆژە، ژ گوندێ مەشووقێ ل گونەوارێ قامشلۆیە، ئەندامێ خوەجهییا تربەسپیێ یا ئەنجوومەنا نشتیمانی یا کوردی ل سووریێ یە.
بەریا دو رۆژان، فێسەل قادری ئەندامێ پارتیا یەکیتیا کوردستانی – سووریا (پارتیێن ئه‌نه‌كه‌سێ) ل باژارێ قامشلۆ ژ گرتیگەهێن رێڤەبەریا خوەسەر سەربەست هاتبوو بەردان.
