رێڤەبەریا خوەسەرا رۆژئاڤایێ کوردستانێ دەربارێ ئێرشێن داوی یێن ل دژی عەلەویێن ل سووریەیێ تێن کرن داخویانیەک دا و گۆت، «دڤێ پڕەنگیا ل سووریەیێ بێ پاراستن».
رێڤەبەریا خوەسەرا رۆژئاڤایێ کوردستانێ تێکلداری ئێرش و روودانێن داوی یێن ل سووریەیێ دە داخویانیەکە نڤیسکی وەشاند.
رێڤەبەریا خوەسەر دیار کر کو بوویەرێن داوی یێن ل هەرێمێن پەراڤێن سووریەیێ یێن ل دژی عەلەویان و شەوتاندنا دارێن سەرسالێ یا ل حەما و حومسێ خزمەتا بەرژەوەندی و پاشەرۆژا سووریەیێ ناکن.
د داخویانیێ دە هات گۆتن کو ژ بەر گەشەدانێن بلەزێن ل سووریەیێ روو ددن، ب تایبەتی پشتی رووخاندنا دەستهلاتا ئەسەد، یا باشتر ئەوە کو بەر ب زیهنیەتا ئاڤاکرنا سووریەیەکە نووژەن ڤە بمەشن.
د داخویانیێ دە وها هات گۆتن: «هەڤگرتن و یەکتیا گەلێ سووریەیێ د بپێشخستنا مۆدەلا رێڤەبەریەکە نیشتمانی یا ل سەر ئەساسێ عەدالەت و وەکهەڤیێ دە لازمیەکە دیرۆکییە. پڕەنگیا ل وەلاتێ مە سووریەیێ دەولەمەندیەکە دیرۆکییە و خوەدی نرخەکی نیشتمانی جڤاکییە. ئەڤ دەولەمەندیا کو پارتیا به‌عس ژ هۆلێ راکربوو دێ راستیا سووریەیێ و ناسنامەیا وێ یا رەسەن نیشان بدە».
پێکانینێن ل پەراڤێن سووریەیێ یێن ل دژی عەلەویان دقەومن و شەوتاندنا دارێن سەرسالێ ل حەما و حومسێ ناکەڤن خزمەتا بەرژەوەندیێن سووریەیێ و پاشەرۆژا وێ.
پاراستنا پڕەنگی و دەولەمەندیا نیشتمانی یا سووریەیێ بنگەهەکە گرینگە یێ ئاڤاکرنا سووریەیەکە بهێز.
ئەم وەکی رێڤەبەریا خوەسەریا دەمۆکراتیکا باکور و رۆژهلاتێ سووریەیێ تەقەز دکن کو پاراستنا پڕەنگیا ل سووریەیێ و نەبنپێکرنا سەمبۆل، عورف و کەڤنەشۆپیان پێویستیەکە لەزگینە.
