ئارتێشا تركیێ ئیرۆ كوشتنا 11 چه‌كدارێن یه‌په‌گێ/په‌كه‌كێ ل رۆژئاڤا و باشوورێ كوردستانێ ئاشكه‌ره كر و راگهاند، ئۆپه‌راسیۆنێن وان یێن ل دژی رێخستنا په‌كه‌كێ ل هه‌ر ده‌رێ وێ بدۆمن.
وه‌زاره‌تا پاراستنا نه‌ته‌وی یا تركیێ ئیرۆ رۆژا دوشه‌می 30 كانوونا 2024ێ راگهاند، د ئێریشێن هه‌وایی یێن د 24 ساعه‌تێن رابووری ده ل هه‌رێمێن ئۆپه‌راسیۆنێن مه‌رتالا فراتێ و په‌نجه 11 چه‌كدارێن یه‌په‌گێ/په‌كه‌كێ هاتنه كوشتن.
هات راگهاندن، ل رۆژئاڤا 10 چه‌كدارێن یه‌په‌گێ و ل باشوورێ كوردستانێ ژی چه‌كداره‌كی په‌كه‌كێ كه‌تنه به‌ر ئێریشان.
د داخویانیا وەزارەتێ دا وها هات گۆتن: «ئۆپەراسیۆنێن ل دژی رێخستنا په‌كه‌كێ ل هه‌ر ده‌رێ وێ ب بریارداری بدۆمن».
