شاندا دەم پارتیێ کو ل ئیمرالیێ سەردانا رێبەرێ پەکەکێ عەبدوللا ئۆجالان کربوو و پشترە ل پارلەمەنتۆیێ لگەل سەرۆکێ گشتی یێ مەھەپێ دەولەت باخچەلی و سەرۆکێ پارلامەنتۆیێ نومان کورتولموش ھەڤدیتن کربوو، تێ تەخمینکرن کو د 10ی چلە دە سەردانا خوە یا دویەمینجیا ئیمرالیێ بکە. تێ تەخمینکرن کو بەریا ھەڤدیتنا دویەمینا ئیمرالیێ شاند سەردانا ھەڤسەرۆکێ گشتی یێ ھەدەپێ یێ بەرێ سەلاحەدین دەمیرتاش یێ کو ل گرتیگەھا ئەدیرنەیێ گرتییە بکە.
شاندا دەمێ یا کو ژ سڕی سورەیا ئۆندەر و پەروین بولدان پێک دھات، کو ل گراڤا ئیمرالیێ لگەل رێبەرێ پەکەکێ عەبدوللا ئۆجالان ھەڤدیتن پێک ئانیبوو، دەست ب گەرا خوەیا پارلامەنتۆیێ کر. شاندا کو ئەحمەد تورک ژی د ناڤ دە بوو، ئەول چوو سەردانا سەرۆکێ مەجلسا مەزن یا ترکیەیێ نومان کورتولموش و پاشێ ژی سەرەدانا سەرۆکێ گشتی یێ مەھەپێ دەولەت باخچەلی کر.
ئەڤ ژی بوو جھێ مەراقێ دەما ھەڤدیتنا دویەمینا لگەل عەبدوللا ئۆجالان ل ئیمرالیێ پێک وەرە. ل گۆری ئاگاھیێن د پاشپەردەیێ دە، تێ تەخمینکرن کو شاندا پارتیا دەمێ د 10 چلە دە ھەڤدیتنێن خوەیێن لگەل پارتیێن سیاسی و رێخستنێن سڤیل تەمام بکە و بچە ئیمرالیێ. تێ تەخمینکرن کو ژ بلی سڕی سورەییا ئۆندەر و پەروین بولدان، ئەحمەد تورک ژی بەشداری سەردانا جڤینا دویەمینا ل ئیمرالیێ ببە.
شاند دێ بەریا ئیمرالیێ ژی جڤینەکا سورپریز پێک بینە. ل گۆری ڤێ یەکێ شاندا دەمێ دێ ل گرتیگەھا ئەدیرنەیێ سەردانا ھەڤسەرۆکێ گشتی یێ بەرێ یێ ھەدەپێ سەلاحەدین دەمیرتاش بکە و نێرینێن خوە لگەل ھەڤ پارڤە بکن.
