ھەڤسەرۆکێ دەم پارتیێ راگھاند، ل ئالیەکی ل ترکیەیێ بەحسا ئاشتیێ دکن، ل ئالیێ دن ئێرشی رۆژئاڤایێ دکن، دڤێت پرۆسەیا ئاشتی نەبە پرۆسەیا خاپاندنێ.
ھەڤسەرۆکێ دەم پارتیێ تونجەر باکرھان ل مێرسینێ ئاخڤی و گۆت، سەد سالان بەرێ ب زۆرێ سینۆر ھاتن دانان، فشار ل سەر زمان و ناسنامەیا کوردان ھاتن دانین، لێ نھا ئەو سینۆر تێن ھلوەشاندن.
باکرھان بانگ ل دەستھلاتێ کر، ب زلم و زۆرداریێ ئاشتی پێک نایێ، ژ بۆ پێکانینا ئاشتیێ دڤێ زمانێ ژەھری و سیاسەتا ئینکارێ بداوی ببە.
باکرھان ھەروھا گۆت، ل ئالیەکی ل ترکیەیێ بەحسا ئاشتیێ دکن، ل ئالیێ دن ئێرشی رۆژئاڤایێ دکن و رێ ل بەر ئێرشان ڤەدکن. دڤێت مافێن گەلێ کورد و ستاتویا وان ل رۆژئاڤا بهێت قەبوولکرن کو ب خوین و جانێ خوە ئاڤا کرنە.
باکرھان گۆت، ئاشتیا ناڤا ترکیێ گرێدایی ئاشتیا ل رۆژئاڤایێ کوردستانێیە و ئەو ناخوازن ئەڤ پرۆسە ببە پرۆسەیا خاپاندن و لیستۆکان.
