نوونەرێن ئەنجوومەنا نیشتیمانی یا کورد ل سووریێ (ئەنەکەسێ) بەری کۆنفەرانسا گۆتووبێژا نیشتیمانی یا سووریێ چەند ھەڤدیتنەک ل گەل پێکھاتەیێن گەلێ سووریێ، وەک ئامادەکاریەک ژ بۆ قۆناغا دەما پێشا سووریێ ئەنجام دان.
نوونەرێ ئەنەکەسێ ل دەستەیا دانوستانێن سووریێ ئیبراھیم برۆ د تۆرا خوە یا جڤاکی یا فەیسبۆکێ دە نڤیساند: “د ڤێ دەما ئەم ل شامێ مایی دە چەند ھەڤدیتن و سەردانەک مە ژ بۆ دانووستانێن فکری کرن، ژ بۆ وەک ئامادەکاریەک بە بۆ قۆناغا پاشەرۆژێ.”
ھەروەھا ئاماژە ب وێ یەکێ کر کو؛ “سەردانا پارێزگەھا سوێیدە مە کر و ھەڤدیتن ل گەل سەماحەتا شێخ حیکمەت ھیجری و ھەروەھا مە سەردانا مالباتا سولتان پاشایێ ئەترەش ژی کر.”
برۆ گۆت: “مە ھەڤدیتنەکا دن ل گەل مەترانێ ئەرمەنی یێ دێرا کاتۆلیک و مەتران گەۆرگ ئەساسدۆریا و مۆنیسینیۆر گەۆرگ باھی و زاھی تەیارە و شادی سیروە و گەۆرگ ندز ئەنجامدا.
ھەروەھا گۆت: “گۆتووبێژ دەربارێ پاشەرۆژا سووریێ مە کرن و ل سەر بنگەھێ وەکھەڤیا د ناڤبەرا ھەموو پێکھاتەیان، وەک ئەرک، ماف و بەشداریا ھەموویان و دارشتنا دەستوورا نوویا سووریێ دە ژی جیھ بگرە.
ئیبراھیم برۆ دیار کر، ھەڤدیتن ل گەل رێڤەبەرێن ئەنجوومەنا ئێزدی یێن سووریێ پێکھات، کو سەردانا شامێ کربوون و پێکھاتبوون ژ مزگین یوسف و سەرھان عیسا و شاندەیەکی نوونەرێن ئەنجوومەنا ئێزدی ل حەلەب و عەفرینێ و ل گەل وان جڤیایە.
