بریارە د دەمەکی کورت دە بنکەیێ فەرمی یێ ئەنجوومەنا نیشتیمانیا کورد ل سووریێ (ئەنەکەس)ێ ب فەرمی ل شاما پایتەختا سووریێ بێ ڤەکرن و بەرپرسێ ئۆفیسێ ژی بێ دیار کرن.
سلێمان ئۆسۆ یەک ژ بەرپرسێن ئەنەکەسێ راگەھاند:” د دەمەکی نێزیک دە بنکەیێ فەرمی یێ ئەنەکەسێ دێ ل شامێ هێت ڤەکرن و کەسەک ژی وەک بەرپرسێ ئۆفیسێ دێ هێت دیار کرن.”
ھەروەھا گۆت: “شام وەک پایتەخت گرنگە و وەک ناڤەندا بریارا سیاسی ژی ھەروەسا، ژ بۆ وێ ژی ئەم دخوازن ب وێ رێیێ ڤە رۆل و باندۆرا مە ھەبە د پاشەرۆژا سووریەیا نوو دە.”
دوھ 5/1/2025 شاندەیەکی ئامەریکایێ ل باژارێ قامشلۆ ل رۆژئاڤایێ کوردستانێ ل گەل نوونەرێن ئەنەکەسێ جڤیان و چەند پرس گۆتووبێژ کرن.
