سه‌رۆكوه‌زیر مه‌سروور بارزانی ب سەرۆکۆمارێ ترکیێ رە دجڤە

سەرۆکوەزیرێ هەرێما کوردستانێ مەسروور بارزانی ئیرۆ سه‌ردانا تركیێ ده‌ و دێ ل ئەنقەرێ ب سەرۆکۆمارێ ترکیێ رەجەپ تاییپ ئەردۆگان رە بجڤە.

مالپەرا فەرمی یا سەرۆکكۆماریا ترکیێ راگهاند، سەرۆکۆمارێ ترکیێ رەجەپ تاییپ ئەردۆگان دێ ئیرۆ سێشەمێ ل کۆشکا سەرۆکكۆماریا تركیێ ل ئەنقەرێ پێشوازیا سەرۆکوەزیرێ هەرێما کوردستانێ مەسروور بارزانی بکە.

سەرۆکوەزیرێ هەرێما کوردستانێ مەسروور بارزانی دێ سائەت 12ێ نیڤرۆ بگهە وەزارەتا دەرڤە یا ترکیێ و ل گەل وەزیرێ دەرڤە هاکان فیدان بجڤە.

تێ چاڤەرێکرن کو د هەڤدیتنان دە بەحسا پەیوەندیێن دوئالی یێن د ناڤبەرا هەرێما کوردستانێ و ترکیێ، پێشهاتێن سووریێ و پاشەرۆژا وی وەلاتی ب قۆناغا نوو یا ئاشتیێ و چارەسەرکرنا پرسگرێکا کورد ل ترکیێ وەرە کرن.