ئه‌ندامێ كۆنسه‌یا رێڤه‌به‌ر یا كه‌جه‌كێ مسته‌فا كاراسوو ئیرۆ هه‌یئه‌تا ئیمرالیێ ره‌خنه كر و گۆت كو چما د ناڤا هەیئەتێ دە هەڤسەرۆکێن دەم پارتیێ نینن.
مسته‌فا كاراسوو ئیرۆ رۆژا سێشه‌می 7 چله‌یا 2025ێ ژ ته‌له‌فزیۆنا مه‌دیا هابه‌ر یا په‌كه‌كێ ره ئاخڤی و هن نرخاندن بۆ رۆژه‌ڤێ و پێڤاژۆیا كو ل تركیه‌یێ ده‌ستپێ كری كر.
كاراسوو ده‌ربارێ هه‌یئه‌تا ئیمرالیێ كو ژ سڕی سوورەییا، پەرڤین بوولدان و ئاهمەت تورک پێك تێ گۆت:
«ژ بۆ هەیئەتێ ئەم ڤێ یەکێ ببێژن. هەیئەتا هەیی بەرێ ژی ب رێبەرتی رە هەڤدیتن کربوو. سڕی سوورەییا، پەرڤین بوولدان و ئاهمەت تورک ژی د هەیەتا کو بەرێ چوونە ئیمرالیێ دە بوون. لێ دەڤلەت باهچەلی بانگەک کر. گۆت بلا دەم پارتی بچە ئیمرالیێ. چما د ناڤا هەیەتێ دە هەڤسەرۆکێن دەم پارتیێ نینن؟ ب راستی ژی چما جهـ ناگرن؟ ئەگەر دەم پارتی وێ بچە، رێڤەبەرێن دەم پارتیێ هەنە».
كاراسوو هه‌ر وها دبێژه: «ب قاسی کو ئەز دزانم سڕی سوورەییا ئۆندەر نها نە د ناڤا رێڤەبەریێ دە یە. پەرڤین بوولدان هەڤسەرۆکا هه‌ده‌پێ یه، ئاهمەت تورک ژی هەڤشارەدارە، دخوازم ڤێ یەکێ بێژم بانگەک ژ بۆ دەم پارتیێ هات کرن. هات گۆتن بلا دەم پارتی بچە ئیمرالیێ. چما هەڤسەرۆکێن گشتی یێن دەم پارتیێ د ناڤا هەیئەتێ دە نینن؟ هەری کێم دڤێ یەک ژ وان د ناڤا هەیەتێ دە با، ب راستی ژی قەت نەبە ژ بۆ ئەم بێژن د وێ هەیئەتێ دە هەڤسەرۆکەک هەیە».
ئه‌ڤ گۆتنێن مسته‌فا كاراسوو دهێته واته‌یا بچووكرنا هه‌یئه‌تا هه‌یی یا ئیمرالیێ كو كارینا بجی كرنا وێ ئه‌ركێ تونه یا كو پێ هاتنه راسپاردن.
هه‌یئه‌یا کو چوویە جەم ئۆجالان نە نوونەرێن کوردانن. یەک سڕی سوره‌ییا ترکە و په‌رڤین ژی عەرەبە، ئەڤ ھەر دو کەس نە کوردن و قەت نوونەرتیا کوردان ژی ناکن. یا بالکێش ئەوە کو عەڤدللا ئۆ*جالان ژی دەما د سالا 1999 دە ژ کینیایێ دھات ترکیەیێ گۆت “دایکا من ترکە”.
لۆما ژی، ئەم دکارن ببێژن د ھەڤدیتنێن ئیمرالیێ دە پەرڤینا عەرەب، سڕیێ ترک، ئۆجالانێ ترک و دەولەتا ترک ب ھەڤ را روونشتنە و ل سەر «پرسگرێکا کورد» ئاخڤینە.
