شاندا ئیمرالیێ سەرەدانا جەهەپێ کر

شاندا دەمێ سەردانا پارتیێن سیاسی د پارلەمەنتۆیا ترکیەیێ دە ددۆمینە.

پارتیا دەم؛ پشتی ھەڤدیتنێن خوە یێن لگەل مەھەپێ، ئاکەپێ، پارتیا سەعادەتێ و پارتیا پێشەرۆژێ ئیرۆ سەردانا جەهەپێ کر.

شاندا دەمێ ل ئۆفیسا سەرۆکێ گشتی یێ جەهەپێ ئۆزگور ئۆزەل یا د پارلەمەنتۆیێ دە سەردانا ئۆزەل کر.

جڤینێ د دەمژمێر 10:30 دە دەست پێ کر دەمژمێر 12:05 ب داوی بوو. پشتی ھەڤدیتنێ سەرۆکێ جەهەپێ  ئۆزەل داخویانیا ئەول دا.

ئۆزەل ئەڤ داخویانی دا:

وەکە پارتیا کۆماری یا گەل مە بەرێ ژی گۆتبوو کو ئەم وەک پارتیا کۆماری یا گەل پشتگریێ ددن ھەر گاڤا کو ژ بۆ پرسگرێکا کو 50 سالن ل ترکیەیێ ددۆمە ژ ھۆلێ رابە، ھێسترێن دایکان سڤک بکن.”

مە ھێڤیێن خوە، فکار و رەخنەیێن خوەیێن ژ بۆ پێشەرۆژێ ئانین زمان. پشتی وێ مە پێشنیار و ھەلوەستا خوە ئانی زمان. لھەڤھاتنا مە یا دیرۆکی ئەوە کو ئەڤ پێڤاژۆ د بن سەرکێشی و کۆنترۆلا پارلامەنتۆیێ دە بمەشە. مە چ گومان نینن. مە دیار کر کو ژ بۆ د پێشەرۆژێ دە ھەموو گاڤێن کو بێن ئاڤێتن پێویستی ب کۆمیسیۆنەکا خورت ھەیە کو ھەموو پارتیێن ل مەجلیسێ ژی تێ دە بن.

مە دیار کر کو رێکەفتنا جڤاکی پێشییە. مە دیار کر کو دڤێت میکانیزمایێن کو مالباتێن شەھیدان و یێن تێکۆشەر د ڤێ پێڤاژۆیێ دە بێ عاجزکرن نەیێن رۆژەڤێ. ئەم گرینگیێ ددن ئیرادەیا کو ژ بۆ سبەرۆژێ ھێڤیێن ھەر کەسی مەزن بکن و د گاڤێن کو ژ بۆ ئاشتیێ بێن ئاڤێتن دە، بێیی بازاریێ رۆندک و خوینێ راوەستینن. ئەم گرینگیێ ددن ڤێ یەکێ کو گاڤێن پێش دە د قادا دەمۆکراتیک و یاسایی دە بن. یا گرینگ ئەوە کو رێگری ل خوین، رۆندک و ونداکرنا ترکیەیێ بێ گرتن و ب ھێڤی ل پێشەرۆژێ مێزە بکن.”

پشتی ئۆزەل، ل سەر ناڤێ پارتیا خوە سڕی سورەییا ئۆندەر وھا ئاخڤی:

“دڤێت ئەم ل ڤی وەلاتی گوھ بدن گۆتن و پرسگرێکێن ھەر کەسی. ئەم وەلاتەکی ئارام دەیندارێ زارۆک و نەڤیێن خوە نە. ئەم نکارن ژ ڤێ خلاس ببن. ئەم د وێ باوەریێ دە نە کو ئەم دێ وەکی جڤاک لگەل ھەڤ ڤێ یەکێ پێک بینن.”