ل تاخا شێخ مەقسوود یا پارێزگەھا حەلەبێ، رێخستنا چەتەیان یا ب ناڤێ “جوانێن شۆرەشگەر” یا گرێدایی پارتیا کارکەرێن کوردستانێ، زارۆکەکی بچووکێ کورد ب ئارمانجا کو وی تەڤلی ناڤا رەفێن پەکەکێ بکن رەڤاند.
ژیدەرێن خوەجھی ل رۆژئاڤا کوردستانێ راگھاندن کو د 4ێ چلەیا 2025 دە رێخستنا “جوانێن شۆرەشگەر” زارۆکێ ب ناڤێ نیھاد زوھێر رەشۆ یێ 12 سالی ژ تاخا شێخ مەقسوود یا سەر ب پارێزگەھا حەلەبێ رەڤاند.
نیھاد ژ گوندێ ئۆمۆ یێ ناڤچەیا ماباتا یا گوندەوارێ باژارێ عەفرینێیە.
ل گۆری ناسنامەیێ، زارۆکێ ب ناڤێ نیھاد د 3یێ ئادارا 2012 دە ل عەفرینێ ژ دایک بوویە و ناڤێ دایکا وی جیلانە.
بوویەرا رەڤاندنا ڤی زارۆکێ 12 سالی یەکەمین حالەتە د ڤێ سالێ دە، ئەڤ بوویەرا رەڤاندنێ د دەمەکی دە یە کو ب رووخاندنا رێژیما بەشار ئەسەد رە و داخوازا دیالۆگا کوردی و دامەزراندنا شاندەکە یەکگرتییا کوردی کو بچە شامێ، چالاکڤان، سیاسەتمەدار و ئالیێن سیاسی ل رۆژئاڤایێ کوردستانێ داخوازێ ژ پارتیا یەکیتیا دەمۆکرات و ھێزێن سووریا دەمۆکرات دکن ڤێ رێخستنێ هلوەشینن.
تاخا شێخ مەقسوود د بن کۆنترۆلا یەکینەیێن پاراستنا گەل یا پارتیا یەکیتیا دەمۆکراتیک دەیە کو ھێزا سەرەکەیا ھێزێن سووریەیا دەمۆکراتیکە.
