هێزێن سووریەیا دەمۆکراتیک راگهاند، ل گوندەوارێ منبجێ و سرینێ 4 شەرڤانێن وان كه‌تن به‌ر ئێریشان و ژیانا خوه ژ ده‌ست دان، ئارتێشا تركیێ ژی كوشتنا 32 شه‌رڤانان راگهاندیه.
ئێرشێن چەکدارێن “ئارتێشا نشتمانی یا سووریەیێ” یا گرێدایی ترکیەیێ بەردەوام دکن، ل دەردۆرا بەنداڤا تشرینێ و پرا قەرەقۆزاقێ د ناڤبەرا هه‌سه‌دێ و کۆمێن چەکدار دە شەر و پەڤچوون دەردکەڤن.
هه‌سه‌دێ د داخۆیانیه‌كێ دا راگهاند كو د ئێرشێن ل گوندەوارێ منبجێ و سرینێ دە 4 شەرڤانان ژیانا خوە ژ دەست دایە.
ئاگاهیێن ل سەر ناسنامەیێن شەرڤانان وهانە:
ئاڤاشین ئەفرین: ناڤێ وێ یێ فەرمی عەزیزە حسێنە و ژ عەفرینێ یە.
خەمگین هۆرک: ناڤێ وی یێ فەرمی ئەحمەد جاسم مستەفایە و ژ کۆبانیێ یە.
ئازاد تربەسپیێ: ناڤێ وی یێ فەرمی هاتم مەحمەدوو ئەل ئەسافە و ژ تربەسپیێ یە.
رەشۆ عاموودێ: ناڤێ وی یێ فەرمی محەمەد زاهر ئەل حسێنە و ژ شەدادێ یە.
ل رەخێ دن، ل گۆری رەوانگەها مافێن مرۆڤانا سووریەیێ (سۆهر)، ژ دەستپێکا شەر ڤە 201 چەکدارێن “ئارتێشا نشتمانی” هاتنە کوشتن.
سۆهرێ دا زانین کو ژ دەستپێکا شەر ڤە 56 شەرڤانێن هه‌سه‌دێ و 25 سڤیلان ژی جانێ خوە ژ دەست دایە.
