پارلامەنتەرێ ئاک پارتیێ یێ ئامەدێ ئەنسارۆغلو پێڤاژۆیا نوو نرخاند و راگهاند، ئیمرالی دێ ژ ھەڤ جودا بانگ ل پەکەکێ و یەپەگێ بکە. ژ بەر کو بەحسا ھلوەشاندنا رێخستنێ تێ کرن، دێ ژ بۆ یەپەگێ رەنگەکی دن ھەبە.
ئەنسارۆغلو کو بەشداری وەشانا تیڤی 100 بوو، ئیدیعا کر کو ئۆجالان د داخویانیا کو تێ تەخمینکرن پشتی ھەڤدیتنا دویەمین یان ژی یا سێیەمین کو ل ئیمرالیێ بێ کرن دە دێ دو تەلەفۆنان بکە.
ئەنسارۆغلو د دەربارێ مژارێ دە ئەڤ داخویانی ب کار ئانین: “ئەو ھەڤکێشەیەک پر تەڤلھەڤە. ئۆجالان گۆت، “ئەڤ ھێز و ڤینا من ھەیە.” دەما کو ئۆجالان دەرکەڤە و بەیانا خوە بدە… ئەز وسا دفکرم کو دێ داخویانی ل سەر سووریێ بە. د دەربارێ پەیەدێ دە. دەربارێ رێخستنێ دە دێ داخویانیەک بێ …
دێ بانگێن جودا ھەبن. ئیمرالی دێ دو بانگێن جودا ژ پەکەکێ و یەپەگێ بکە. (بانگا کو ژ یەپەگێ رە بێ کرن) ژ بەر کو تێ ئاخافتن تێ گۆتن کو رێخستن خوە هلوەشینە و دەست ژ چەکان بەردە دێ دەنگەک دن ھەبە. لێ بەلێ دێ ژ پەیەدێ تشتەکی جودا بێ نیقاشکرن کا ئەو دێ ل سەر پێکھاتەیا نوویا سووریەیێ یا ھەیی چ ھەلوەستێ نیشان بدن. “ئەم دێ ببینن کو ئەڤ دێ د رۆژێن پێش دە چاوا بەرسڤ بدن.”
