چەکدارێن یەپەگێ مەلایێن رەقایێ ب نەفتێ خاپاندن!
چەکدارێن یەپەگێ یێن ل رەقایێ ب بەهانەیا پێدانا نەفتێ ب مەلایێن رەقایێ وان ڤەدخوینن مزگەفتێ، لێ بەلێ د راستیێ دە ژ بۆی جڤینا ب شێخ مورشد مەعشوق خەزنەوی رە وان دبن ناڤا مزگەفتێ و چ نەفتێ ب وان نادن.
ل گۆر نووچەیەکە کانالا “مراسل الشرقیە” کو کانالەکە تیلیگرامێ یا سووریەیێ یە، چەکدارێن یەپەگێ هن ژ مەلایێن ل رەقایێ ژ بۆی پێدانا نەفتێ ڤەخواندنە یەک ژ مزگەفتێن رەقایێ، لێ بەلێ پشترە بێی کو چ نەفتێ ب وان بدن، وان دبن ناڤا مزگەفتا ب ناڤێ “منی” ژ بۆی کو لگەل شێخ مورشد مەعشووق خەزنەوی هەڤدیتنێ پێک بینن.
هەر وەها ئەشکەرە کر، کەسێ کو بانگەوازیا پێدانا مازووتێ ب مەلایان کریە، رێڤەبرێ ئەوقافێ یە و ناڤێ وی “ئیبراهیم ئەل-ئووەیسە”، ڤی کەسی پێش نها ب بەهانەیا کو مەلایان گوھ نەدانە تەعلیماتێن ئەوقافێ و بەشداری جڤینان نەبوونە، رێژەیەک ژ نەفتا مزگەفتان ل سەر مەلایان قوت کریە و ب وان نەدایە.
ئەڤ یەک د دەمەکی دە یە کو شێخ مورشد مەعشووق ئەل-خەزنەوی ئەڤە دەمەکە دەرباسی رۆژئاڤایێ کوردستانێ بوویە و نەرینێن جودا ل سەر وی پەیدا بوونە، هن ژ شێنیێن رۆژئاڤا ژی دبێژن، شێخ مورشد خەزنەوی دەما ب ئەنەکەسێ رە دجڤە پەکەکێ/پەیەدێ رەخنە دکە، دەما ب پەیەدێ/پەکەکێ رە ژی دجڤە ئەنەکەسێ رەخنە دکە، ئەڤ ژی تشتەکی پڕ بالکێش و عەجێبە!
