ل گۆر چاڤکانیێن کوردی ئیرۆ 8/1/2025ێ 6 کەسێن سڤیل یێن کورد کو ژن ژی د ناڤ وان دە ھەنە، د دەما خوەپێشاندانا نەرازیبوونێ ل نێزیک بەنداڤا تشرینێ یا ژ ئالیێ پەیەدێ ڤە ھاتبوو رێخستن کرن دە ھاتن کوشتن.
ل گۆر زانیاریان وان خوەپێشاندەرێن کورد یێن پەیەدێ ئەو بربوون وێ ناڤچەیێ، ژ بەر بۆمبەبارانا گرووبێن چەکدار ھاتنە کوشتن.
خوەپێشاندان ژ ئالیێ پەیەدێ ڤە ھات رێخستن کرن و سەرپەرەشتیا وێ وان کربوو و ئارمانجا خوەپێشاندانێ ژی شەرمەزار کرنا وان ئێریشێن کو گرووبێن چەکدارێن سەر ب ترکیێ ل سەر ناڤچەیا بەنداڤا تشرینێ و پرا قەرەقۆزاخێ دکن بوو.
داخوازا پەیەدێ یا ژ خەلکێ سڤیل ژ بۆ خوەپێشاندانا نێزیک بەنداڤا تشرینێ مەترسیێن وێ هەبوون و هەر کەسێ ئەڤ یەک دزانی، لێ دیسا پەیەدێ بانگا خوەپیشاندانێ کر و ب جانێ وەلاتیێن کورد لەیزی و ئەو ب دەستێ گرووپێن سەر ب ترکیەیێ ڤە دان کوشتن.
