فەرماندارێ گشتییێ هێزێن سووریەیا دەمۆکراتیک (هه‌سه‌دێ) دبێژە، ئەو ل گەل دەستهلاتا نوو یا سووریەیێ ل سەر رەدکرنا هەر پرۆژەیەکە پارچەکرنا وەلات لهەڤ کریە.
فەرماندارێ گشتییێ هه‌سه‌دێ مەزلووم عه‌بدی ژ «AFP»یێ رە گۆت: «ئەو لگەل دەستهلاتێن نوو یێن شامێ ل سەر رەدکرنا هەر پرۆژەیەکێ ژ بۆ پارچەکرنا سووریەیێ ل هەڤ کرییە».
مەزلووم عه‌بدی ئاماژە ب وێ یەکێ کر، «مەها بۆری جڤینەکە ئەرێنی د ناڤبەرا شاندا هه‌سه‌دێ و دەستهلاتا نوو یا سووریەیێ دە ل شامێ هەبوو».
پێشتر ژی فەرماندارێ گشتییێ هه‌سه‌دێ مەزلووم عه‌بدی د هەڤپەیڤینەکه رۆژنامەڤانی دە تەکەزی ل سەر گرنگیا سووریەیێ وەکی وەلاتەکی یەکپارچە کر، لێ دیارکرنا ئاوایێ سیستەما وێ یا سیاسی ژ بۆ ئیرادەیا گەلێ سووریەیێ و دانووستاندنێن دەستووری رە هیشت.
