رۆژنامەیەکا ترکیێ: ئێریشا ئارتێشا ترکیێ بۆ سەر پەکەکێ ل سووریێ نێزیک بوویە

رۆژنامەیەکا ترکیێ رادگەھینە کو ئێریشا ئارتێشا وی وەلاتی بۆ سەر چەکدارێن پەکەکێ یێن ل سووریێ نێزیک بوویە و رەد دکە کو گۆتووبێژ ل گەل پەکەکێ بێ کرن.

ئیرۆ 9/1/2025 رۆژنامەیا حوڕییەتا ترکیێ بەلاڤ کر، بەرپرسێن ترکیێ ل ئەنجامدانا ئۆپەراسیۆنا لەشکەری یا دژی چەکدارێن پەکەکێ ل سووریێ نێزیک بوونە.

ھەروەھا گۆت: “ھێزێن سەر ب ئارتێشا ترکیێ کەتنە رەوشا ئامادەباشیێ و ئەو ئامادەباشی وەک ئامادەکاریەکێ یە ژ بۆ ئەگەرا ئێریشا ل سەر چەکدارێن پەکەکێ.”

ل گۆر ھەمان رۆژنامەیێ؛ وەزیرێ دەرڤەیێ ترکیێ ھاکان فیدان رۆژا شەمبیا بۆری ھشیاریەک ژ بۆ چەکدارێن پەکەکێ یێن ل سووریێ کریە و ئەگەر گوھ نەدن وێ ھشیاریێ دێ ئێریشا لەشکەری بێ کرن یان نە دێ بێ زەلال کرن.

وەکی کو ھاکان فیدان گۆتیە: “ھەتا نھا ھەولدانێن دیپلۆماتیک سەرکەفتیبوون کو ئەم دەمی د بەرژەوەندیا ترکیێ دە بدەست بینن، لێ خویا دکە دەما ھاتیە دایین ڤایە تەمام دبە، ژ نھا ڤە ژی دەما ئۆپەراسیۆنا لەشکەری نێزیک بوویە.”

رۆژنامەیا ترکیێ دبێژە: “دەستھلاتدارێن ترکیێ ھەرچەند رێڤەبەریا پەکەکێ و یەکینەیێن پاراستنا گەل (یەپەگێ) دخوازن ژی، لێ رەد کرنە کو دانوستاندان ل گەل گرووپێن چەکدارێن ل سووریێ بکن و ھەم ترکیێ، ھەم ژی ئیدارەیا نوویا سووریێ رەد کرنە دانووستانێ ل گەل وان بکن.”