شاندا دەم پارتیێ یا دانووستاندنان ئیرۆ 11 چلە سەردانا ھەڤسەرۆکێ بەرێ یێ ھەدەپێ سەلاحەدین دەمیرتاش ل زیندانا ئەدیرنەیێ دکە.
شاندا دەم پارتیێ یا بۆ دانووستاندنێن ئیمرالیێ کو ژ سڕی سورەییا ئۆندەر، پەرڤین بولدان و ئەحمەد تورک پێک تێ، ئیرۆ دێ دەرباسی زیندانا ئەدیرنەیێ ببە و ل گەل ھەڤسەرۆکێ بەرێ یێ ھەدەپێ سەلاحەدین دەمیرتاش ھەڤدیتنێ ئەنجام بدە.
تێ چاڤەرێکرن سەردانا شاندا دەم پارتیێ ئیرۆ دەمژمێر یەکێ نیڤرۆیێ پێک وەرە.
شاندا دەم پارتیێ سبە یەکشەمێ ژی ل زیندانا کاندرایا کۆجاعەلی دێ سەردانا ھەڤسەرۆکا بەرێ یا ھەدەپێ فیگەن یوکسەکداگ بکە.
نایێ چاڤەرێکرن کو پشتی سەردانا شاندا دەم پارتیێ داخویانیەکە فەرمی وەرە دایین.
دەمیرتاش بەرێ پشتەڤانیا خوە بۆ دەستپێکرنا پرۆسەیەکا ئاشتیێ ب سەرپەرەشتیا عەبدوللاھ ئۆجالان نیشان دابوو. ھن ئالیێن ئۆپۆزیسیۆنێ و دەم پارتی دبێژن، نایێ قەبوولکرن دەمیرتاش ل دەرڤەیێ پرۆسەیێ وەرە ھشتن.
