پارلامەنتەرێ دەم پارتیێ سڕی سورەییا ئۆندەر پشتی سەردانا دەمیرتاش گۆت: «پشتگری و ئالیکاریا دەمیرتاش و مزراکل ژ بۆ پێڤاژۆیێ تامە».
شاندا پارتیا گەلانا وەکهەڤی و دەمۆکراسیێ (دەم پارتی) کو وەکی شاندا ئیمرالیێ ژی تێ بناڤکرن، ئیرۆ چوو گرتیگەها ئەدیرنەیێ و هەڤسەرۆکێ بەرێ یێ هه‌ده‌پێ سه‌لاحه‌ددین دەمیرتاش زیارەت کر.
هەیئەتا کو ژ پەرڤین بولدان، ئه‌حمه‌د تورک و سڕی سورەییا ئۆندەر پێک تێ، ژ بلی دەمیرتاش ب هەڤسەرۆکێ بەرێ یێ شارەداریا باژارێ مەزنا ئامەدێ سەلچوک مزراکل رە ژی جڤیا.
سڕی سورەییا ئۆندەر پشتی سەرەدانا خوە ژ رۆژنامەگەران رە گۆت کو دەمیرتاش و مزراکل ب تەمامی پشتگریا پێڤاژۆیا نها دکن و وان ئالیکاریا خوە نیشان دا.
ئۆندەر دیار کر کو ئەو هەول ددن بەشداریا هەری بەرفرەهـ د پێڤاژۆیێ دە پێک بینن و وها پێ دە چوو:
“ژ بەر ڤێ یەکێ ت سەدەم تونە کو هەڤال د ڤی واری دە بکەڤنە ناڤا هەلوەستەکە کو پێڤاژۆیێ تێک بدە یان ژی ژ پێڤاژۆیێ شک بکن.
نها ئەگەر ئەم چارەسەر بکن ئەم دێ ب هەر دو ئالیان رە چارەسەر بکن. ئەگەر ئەم ڤێ دەرفەتێ ژی وندا بکن دێ 72 ئالی تێکلی ڤێ مژارێ ببن.”
ئۆندەر دا زانین کو ئەڤ جارا یەکەم کو ئەو ب ڤی رەنگی ب هەموو نەرینێن سیاسی رە ل سەر بنگەهەکە بەرفرەهـ ل هەڤ دجڤن و دێ پشتی سەرەدانا هەڤسەرۆکا بەرێ یا هه‌ده‌پێ فگەن یوکسەکداگ ل ئەنقەرەیێ داخویانیەکێ بدن.
