ناسنامه‌یا دو چه‌كدارێن دن یێن په‌كه‌كێ ئیفشا بوو كو ل تیرمه‌ها سالا رابووری رێخستنێ ئه‌و دا بوونه كوشتن و هه‌یا رۆژا مه یا ئیرۆ مرنا وان ب ڤه‌شارتی هشتبوو، یه‌ك ژێ ژدایكبوویێ سلێمانیێ یه.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا شه‌می 11/1/2025ێ ناسنامه‌یا 2 چه‌كدارێن خوه ئاشكه‌ره كر كو ل 25ی تیرمه‌ها سالا 2024ێ ل باشوورێ كوردستانێ كه‌تنه به‌ر ئێریشێن ده‌وله‌تا ترك و په‌كه‌كێ ژ نوو ڤه مرنا وان ئیفشا كر.
ناڤێن وان وسایه:
ردوان سالح ژ ئه‌ده‌نه‌یێ یه.
كاروان خالد ژ سلێمانیێ یه.
هه‌په‌گێ د په‌سنێ ڤان چه‌كدارێن خوه ده دیسا گۆتیه ئه‌و ئاپۆیی بوون و فه‌دایێ ئاپۆ بوون!.
ژ ده‌ستپێكا سالا نوو 2025ێ ڤه، په‌كه‌كێ وه‌كه سالێن به‌رێ هه‌ر رۆژ وێنه‌یێن كۆمێن جوانێن كوردان پارڤه‌دكه، جوانێن كو د به‌رخوه‌دانا خوه یا ساخته ده به‌رێ وان دایه مرنێ و مرنا وان ڤه‌شارتی هشتی.
