ب سه‌ده‌ما په‌كه‌كێ د 6 رۆژان ده تركیێ ب ده‌هان بۆمبه ل گوندێن دهۆكێ دانه
د 6 رۆژێن رابووری ده، بالافرێن شه‌ر یێن ده‌وله‌تا ترك د ته‌عقیبا لڤ و ته‌ڤگه‌رێن په‌كه‌كێ ده، ب ده‌هان بۆمبه ل سه‌ر 8 گوند و هه‌رێمێن دیار یێن ده‌ڤه‌رێن به‌رێ گاره، به‌رواری بالا و نهێلیا ل پارێزگه‌ها دهۆكێ باراندنه، زرار ل په‌ی ئێریشان هاتنه و شێنیێن وان هه‌رێمان د نیگه‌رانیه‌كه به‌رده‌وام ده نه.
ل گۆری ئامارا په‌ڤچوونێن په‌كه‌كێ و ئارتێشا تركیێ یێن ژ 6 چله‌یا ئیسال 2025ێ ڤه، 8 گوند و گه‌لیێن دیار یێن سینۆرێ پارێزگه‌ها دهۆكێ د ئۆپه‌راسیۆنا په‌نجه ده هاتنه بۆردومان كرن، ده‌وله‌تا ترك ئێریش دژوار كرنه، په‌كه‌كێ ژی ته‌ڤگه‌را چه‌كدارێن خوه پێتر نێزی گوندان كریه.
گوند و هه‌رێمێن ژ 6ی چله‌یا 2025ێ ڤه كه‌تنه به‌ر ئێریشان
- گوندێ گڕگاش.
- گوندێ سپیندارێ.
- گوندێ مژێ.
- گوندێ بلاڤا کەڤن.
- گەلیێ دێرەشێ.
- گەلیێ بێشیلێ.
- گەلیێ دێرا.
- هنداڤی گەلیێ ڕەشاڤە.
ئێریش ووسا بوون:
ل 2025/1/6ێ:
دەمژمێر 3:00 تا 4:00 ئێڤاری ئارتێشا تركیێ گەلیێ دێرا – ناحیا کانی ماسێ ۔ دەڤەرا بەرواری بالا تۆپبارانکریە و 12 گوللـه‌تۆپ لێدانە.
دەمژمێر 3:03 تا 6:25 ئێڤاری ئارتێشا تركیێ ئاقارێ گوندێن گڕگاش، سپیندارێ و مژێ – ناحیا دێرەلۆکێ – دەڤەرا بەرێ گارەی تۆپبارانکرنە.
دەمژمێر 4:24 ئێڤاری بالافرێن ئارتێشا تركیێ گەلیێ دێرەشێ – دەڤەرا بەرێ گارەی بۆردومانکریە.
ل 2025/1/7ێ:
دەمژمێر 3:22 نیڤرۆ ئارتێشا تركیێ ئاقارێ گوندێن سپیندارێ و مژێ – ناحیا دێرەلۆکێ – دەڤەرا بەرێ گارەی تۆپبارانکرنە.
دەمژمێر 4:50 تا 5:50 ئێڤاری بالافرێن ئارتێشا تركیێ گەلیێ بێشیلێ – ناحیا کانی ماسێ – دەڤەرا بەرواری بالا بۆردومانکریە و زێدەتری 10 گوللـه‌تۆپ لێدانە.
ل 2025/1/8ێ:
ده‌مژمێر 3:11 پشتی نیڤرۆ ئارتێشا تركیێ پشتا گەلیێ دێرەشێ، سپیندارێ و مژێ ناحیا دێرەلۆکێ – دەڤەرا بەرێ گارەی تۆپبارانکرنە.
ل 2025/1/9ێ:
دەمژمێر 12:23 نیڤرۆ ئارتێشا تركیێ ئاقارێ گوندێ مژێ و سپیندارێ – دەڤەرا بەرێ گارەی تۆپبارانکریە.
دەمژمێر 2:57 پشتی نیڤرۆ هەلیکۆپتەرێن ئارتێشا تركیێ هنداڤی گەلیێ ڕەشاڤە و بلاڤا کەڤن – ناحیا دێرەلۆکێ – دەڤەرا نهێلیا بۆردومانکریە.
ل 2025/1/10ێ:
ده‌مژمێر 1:47 پشتی نیڤرۆ ئارتێشا تركیێ پشتا گوندێ گڕگاش و بنێ گوندێ سپیندارێ – دەڤەرا بەرێ گارەی تۆپبارانکریە.
دەمژمێر 9:20 شەڤێ بالافرێن هەلیکۆپتەر یێن تركیێ گوندێ بلاڤا کەڤن – دەڤەرا نهێلیا بۆردومانکریە.
ل 2025/1/11ێ:
دەمژمێر 3:02 نیڤرۆ ئارتێشا تركیێ پشتا گەلیێ دێرەشێ – دەڤەرا بەرێ گارەی تۆپبارانکریە.
ژ خزیرانا سالا رابووری 2024ێ ئارتێشا تركیێ قووناغه‌كه نوو ژ ئۆپه‌راسیۆنا په‌نجه ل دژی په‌كه‌كێ ل باشوورێ كوردستانێ ده‌ستپێكربوو، رۆژانه گوندێن دهۆكێ د ڤێ ئۆپه‌راسیۆنێ ده دهاتن بۆردومان كرن.
ل داوییا سالێ سه‌رۆككۆمارێ تركیێ ره‌جه‌ب تاییب ئاردۆگان گۆت كو ئه‌وێ ل سالا نوو ئێریشێن خوه یێن ب باندۆر ل دژی په‌كه‌كێ ل هه‌ر ده‌رێ ده‌وام بكن، لوما ژی ژ ده‌ستپێكا سالا نوو ڤه ئارتێشا تركیێ دیسا ئێریشێن هه‌وایی یێن ل دژی په‌كه‌كێ ل باشوورێ كوردستانێ دژوار كرنه و د 6 رۆژێن داوین ده ب ده‌هان جاران ئێریشی گوندێن دهۆكێ كرییه.
