خۆرته‌كی ده‌ڤه‌را دێره‌لۆكێ یێ كو بۆ ده‌ما 5 سالان ژ هێلا رێخستنا په‌كه‌كێ ڤه هاتبوو ره‌ڤاندبوو، رزگار بوو و ڤه‌گه‌ری جه‌م خزمێن خوه.
هات راگهاندن ل شه‌ڤا ده‌رباسبوویی 12 سه‌ر 13 چله‌یا 2025ێ خۆرته‌كی ده‌ڤه‌را دێره‌لۆكێ كو 5 سال بوون ژ هێلا رێخستنا په‌كه‌كێ ڤه هاتبوو ره‌ڤاندن، سه‌ربه‌ست هات به‌ردان و ڤه‌گه‌ری جه‌م خزمێن خوه.
باسنیۆزێ ئه‌شكه‌ره كر، ناڤێ وی خۆرتی هه‌ڤال ئیبراهیمه و ل شه‌ڤا ده‌رباسبوویی ئه‌و ڤه‌گه‌ریه جه‌م خزمێن خوه.
هه‌ڤال ئیبراهیم نه‌خۆرتێ یه‌كه‌مێ ده‌ڤه‌را دێره‌لۆكێ یه ژ هێلا په‌كه‌كێ ڤه تێ ره‌ڤاندن، د 5 سالێن ده‌رباسبوویی ده، رێخستنا په‌كه‌كێ هه‌ژماره‌كه خۆرتان ل سینۆرێ پارێزگه‌ها دهۆكێ ب تۆهمه‌تا ئاژانیێ ره‌ڤاندنه و كوشتنه مینا «جۆتیار محسن» كو ل 29 چله‌یا 2020 په‌كه‌كێ ره‌ڤاندبوو.
