ئەندامێ شاندەیا ئیمرالیێ و پارلامەنتەرێ دەم پارتیێ یێ ستەنبۆلێ سڕی سورەییا ئۆندەر گۆت: «دەولەتێ هێژان بریار نەدایە کا دێ ب کوردان رە شەر بکە یان ئاشتیێ».
سڕی سورەییا ئۆندەر دەربارێ پێڤاژۆیا نوو ئاخڤی و گۆت: «تشتا کو ئەم دزانن ناڤەرۆکا هەڤدیتنێن مەیە، دەما کو پێڤاژۆ بگهێژە ئاستەکێ دێ رایا گشتی ئاگاهدار ببە، لێ ژ خەینی ڤێ تشتا ئەم زانن و ڤەدشێرن تنەیە».
ئۆندەرد به‌شه‌كا ئاخافتنا خوه ده ئاماژە کر کو دەولەتێ هێژان بریار نەدایە کا دێ ب کوردان رە چ بکە و وه‌ها پێ دە چوو: «گەلۆ حکوومەت د واتەیا کو ئەم ژێ رە دبێژن ئاقلێ دەولەتێ دێ ب کوردان رە ئاشتیێ چێبکە و ب ڤی رەنگی هەول بدە ل رۆژهلاتا ناڤین ببە ئاکتۆرێ سەرەکە، یان دێ ب کوردێن سووریەیێ تێکەڤە ناڤا پەڤچوونەکە دژوار»؟
گۆت: «ل گۆری من ژ بەر كو د ڤی ئالی دە ترکیەیێ هین بریارەکە زەلال نەدایە د ڤێ پێڤاژۆیێ دە نە زەلالی هه‌یه».
د بەردەوامیا ئاخافتنا خوە دە ئۆندەر وها گۆت: «گەر کو کورد رازەمەندیا ئاشتیێ بکن دێ دەرفەتا مەزن، ئانگۆ ئیحتیمالا سەرخوەبوونا کوردستانێ ژ دەست بدن، ئۆجالان ژ دەستپێکێ ڤە ئاماژە ب وێ یەکێ دکە کو ئەگەر کورد ڤێ ریسکێ بگرن سەر ملێ خوە، دێ ب خوە رە سەرکەتنەکە دیرۆکی ژی بینە».
تەئۆریا کۆنفەدەرالیزما دەمۆکراتیکا ئۆجالان ل سەر ڤان هەر دو ئیحتیمالان ئاڤا بوویە. لوما ژی ژ دەولەتێ نێزیکاتی ژ بۆ ئۆجالان هەیە کو دبێژه ئێدی دەما پێکئانینا ڤێ تەئۆریێ هاتیە.
