هێزێن هه‌ته‌شێ ل شامێ ب سەر تاخا کوردان دە گرت و مالێن خەلکێ تالان کرن
هاتە راگهاندن کو هەژمارەک ئەندامێن هەیئەت تەحریر شامێ (هه‌ته‌شێ) کو هێزا دەستهلاتا سووریێ یە، ل تاخا زۆراڤا یا شامێ ب سەر گەلەک مالێن کوردان دە گرتنە و تالان کرنە.
ل گۆری ئاگاهیێن کو چاڤکانیێن ژ شامێ، هێزێن هه‌ته‌شێ دوهـ 15ێ چلەیا 2025ێ تاخا زۆراڤا کو پرانیا خەلکێ وێ کوردن، دۆرپێچ کر و پشترە ژی ب سەر گەلەک مالان دە گرتن.
هاتیە دیارکرن کو هێزێن هه‌ته‌شێ دەستپێکێ ل دەردۆرێ گوللـە رەشاندنە، پشترە ژی ب سەر مالان دە گرتنە و مال هاتنە تالانکرن و حەقارەت ل ئەندامێن مالباتان هاتیە کرن.
پشتی سەرداگرتنان هێزێن ئێریشکار ژ تاخێ ڤەکشیانە، لێ چاڤکانی دیار دکن کو ئالۆزی هین ل تاخێ ددۆمە.
هێژایی گۆتنێ یە، تاخا زۆراڤا یا شامێ، پرانییا وێ ژ کوردان پێک تێ. دەما رەژیما به‌عس د سالا 1963یان دە پلانا «کەمەرا عەرەبی» دایە دەستپێکرن، ب سەد هەزاران کوردێن ل رۆژئاڤایێ کوردستانێ ب دارێ زۆرێ هاتبوون کۆچبەرکرن کو بەشەک ژ وان ل تاخا زۆراڤا بجهـ بوونە.
