ئه‌نداما هه‌یئه‌تا ئیمرالیێ په‌رڤین بۆلدان ئیرۆ راگهاند، عه‌بدوللاهـ ئۆجالان د هه‌ڤدیتنا دویه‌م ده دێ به‌رسڤا سلاڤێن ته‌ڤگه‌را ژن و جوانان بده و گۆت: «ژ بەر كو من د هەڤدیتنا یەکەم دە سلاڤێن تەڤگەرا ژن و جوانان ژێ رە بر بوو. وی ژی گۆت، ئەزێ د هەڤدیتنا دویەم دە بەرسڤا سلاڤێن وان بدم».
په‌رڤین بۆلدان ئیرۆ رۆژا پێنجشه‌می 16 چله‌یا 2025ێ بۆ تێله‌فزیوونا ژن تی ڤی یا په‌كه‌كێ ئاخڤی و گۆت: «سبه رۆژا ئینی ئه‌وێ وه‌كه هه‌یئه‌تا ئیمرالیێ داخویانیه‌كێ ده‌ربارێ ئه‌نجامێن سه‌ردانا هه‌یئه‌تا ئیمرالیێ پارڤه بكن».
بۆلدان ده‌ربارێ پێڤاژۆیا نها ل تركیه‌یێ برێڤه دچه گۆت كو ناڤێ پێڤاژۆیێ هێژان زوویه و تشتا كو نها د قه‌ومه مرۆڤ دكاره وه‌كه هەولدانێن لێگەرینا ل چارەسەریێ پێناسه بكه.
ئه‌نداما هه‌یئه‌تا ئیمرالیێ ده‌ربارێ سه‌ردانا دویه‌مین یا هه‌یئه‌تێ بۆ ئیمرالیێ گۆت: «ژ بەر كو من د هەڤدیتنا یەکەم دە سلاڤێن تەڤگەرا ژن و جوانان ژێ رە بر بوو. وی ژی گۆت، ئەزێ د هەڤدیتنا دویەم دە بەرسڤا سلاڤێن وان بدم».
