ئەندامێ مەکتەبا سیاسی یا پارتیا دەمۆکراتا کوردستانێ ھۆشیار زێباری راگەھاند، “سەرۆکێ حکوومەتا ھەرێما کوردستانێ مەسروور بارزانی لگەل سەرۆکێ یەکیتیا نشتیمانی یا کوردستانێ بافل تالەبانی جڤیا.”
ئەندامێ مەکتەبا سیاسی یا پارتیا دەمۆکراتا کوردستانێ ھۆشیار زێباری ئیرۆ (پێنجشەمبێ، 16/1/2025) ل سەر تۆرا جڤاکی یا ئیکسێ پەیامەک پارڤە کر.
ھۆشیار زێباری د وێ پەیاما خوە دا ئاماژە دا، “سەرۆکێ حکوومەتا ھەرێما کوردستانێ مەسروور بارزانی دوھی (چارشەمبێ) لگەل سەرۆکێ یەکیتیا نشتیمانی یا کوردستانێ بافل تالەبانی جڤیا.”
ناڤبری ھەروەسا نڤیسیە، “د وێ جڤینێ دە دانووستاندنەکا ڤەکری و ئاڤاکەر ژ بۆ پێکانینا کابینەیا دەھێ یا حکوومەتا ھەرێما کوردستانێ د زووترین دەمێ دە ھەبوو.”
