شاندەکا ئەنەکەسێ لگەل سەرۆک بارزانی دجڤە

شاندەکا ئەنەکەسێ گەھشت ھەرێما کوردستانێ و بریارە لگەل سەرۆک بارزانی بجڤە.

چاڤکانیەکێ ژ ئەنجوومەنا نشتیمانی یا کورد ل سووریەیێ (ئەنەکەس)ێ راگەھاند کو، شاندەکا وێ ئەنجوومەنێ پشتی نیڤرۆیا ئیرۆ (دوشەمبێ، 20/1/2025) گەھشتیە ھەرێما کوردستانێ و ل ھەولێرێ لگەل سەرۆک بارزانی دجڤە.

ل گۆر ئاگاهیان، سەرۆک بارزانی و شاندا ئەنەکەسێ دانوستاندنان ل سەر داوی پێشھاتێن ئەولەھی و سیاسی یێن سووریەیێ، چارچۆڤەیا گشتی یا سەرەدەریکرنا ئالیێن کوردی لگەل رەوشا نوویا وی وەلاتی و چاوانیا وەرگرتنا ھەلوەستەکێ ھەڤپارا ئالیێن کوردی یێن سووریەیێ دکن.

پشتی نەمانا رژێما ئەسەد ل سووریەیێ، ئەڤە دێ جڤینا دویێ یا سەرۆک بارزانی و شاندا ئەنکسێ بت. سەرۆک مەسعوود بارزانی ل رۆژا چارشەمێ، 8/1/2024، ژی ل پیرمامێ پێشوازیا شاندەکا سەرکرداتیا ئەنەکەسێ کربوو.

ل دوو راگەھاندنا بارەگایێ بارزانی، د وێ ھەڤدیتنێ دە ھەر دو ئالیان دیتن و نەرینێن خوە ل سەر رەوشا سووریەیێ و داوی پێشھات و گوھەرتنێن وێ و ھەروەسا ھەلوەستا ئالیێن کوردی ل بەرانبەری گوھەرتنێن نھا ل ھەڤ گوھەرتن.