سەرۆکوەزیرێ هەرێما کوردستانێ کێفخوەشیا خوە ب ڤەکرنا مالا کوردستانێ ل داڤۆسێ نیشان دا و گۆت: مالا کوردستانێ ل داڤۆسێ، شیانا هەرێما مە د وارێ داهێنانێ دە نیشان ددە.
سەرۆکوەزیر مەسروور بارزانی دوهـ 20ێ چلە د یەکەمین رۆژا بەشداریا خوە د کۆربەندا ئابۆریا جیهانی یا داڤۆسێ دە، ب مەراسیمەکێ مالا کوردستانێ ڤەکر، هەر وها کێفخوەشیا خوە ئانی زمان کو ئەو سالا دویەمینە ب ناڤێ مالا کوردستانێ بەشداری کۆنفەرانسێ دبن.
مەسروور بارزانی ل هەژمارا خوە یا تۆرا جڤاکی «X» نڤیسی: «مالا کوردستانێ ل WEF25، شیانا هەرێما کوردستانێ ژ بۆ داهێنان، ڤەبەرهێنان و گەشەپێدانا ستراتەژیک نیشان ددە».
کۆربەندا داڤۆسێ ژ سالا 1971ێ ڤە بەردەوامە و سەرۆکوەزیرێ هەرێما کوردستانێ مەسروور بارزانی 4 سالن بەشداری کۆربەندێ دبە و مالا کوردستانێ ئەڤ سالا دویەمە ل داڤۆسێ مێڤانداریا سەرۆک، سەرکردە و شاندێن وەلاتان دکە.
گەرا 55ێ یا کۆربەندا ئابۆری یا جیهانێ ئیرۆ (دوشەم، 20.01.2025) ل باژارکێ داڤۆسێیێ سویسرایێ، ب تەڤلیبوونا سەرۆکوەزیر مەسروور بارزانی و سەرۆک و سەرۆکوەزیرێن وەلاتان و دو هەزار و 500 کەساتیان ژ بەرپرس و شاندێن وەلاتان، ب رێ ڤە دچە.
