ئیرۆ رۆژا سێشەمبێ، 21/1/2025، پارلامەنتۆیا ئیراقێ جڤییا و پرۆژەیاسایا ڤەگەراندنا ملکان بۆ خوەدیێن وان یێن رەسەن، پرۆژە یاسایا لێبۆرینا گشتی و سەرەراستکرنا یاسایا رەوشا کەسانە پەسەند کر.
سەرۆک بارزانی پشتی بریارێ پەیامەک بەلاڤ کر و تێ دە راگهاند: ” ئەڤە بریارەکا گونجاوە و ڤەگەراندنا مافانە ژ بۆ خوەدی مافان، ب ڤێ هلکەفتێ ئەز دەستخوەشیێ ل سەرۆکاتیا پارلامەنتۆیا ئیراقێ، فراکسیۆنێن کوردستانی و ھەموو کەسێن کو د دەرخستن و پەسەندکرنا ڤێ پرۆژە یاسایێ دە رۆل گێرایە دکم، و سپاسیا وان دکم.”
داخویانیا سەرۆک مەسعوود بارزانی ب ڤی ئاوایە:
ب ناڤێ خوەدایێ مەزن و دلۆڤان
پشتی دەمەکێ درێژ ل سەر رۆخاندنا رەژێما بەرێ یا ئیراقێ دەرباس بووی، د داویێ دە پارلامەنتۆیا ئیراقێ د گاڤەکا گرینگ دە ئیرۆ دەنگ ل سەر “پرۆژە یاسایا هەلوەشاندنا بریارێن ئەنجوومەنا سەرکرداتیا بەعس یا ھلوەشیایی” دا کو تایبەتە ب ڤەگەراندنا ئەردێ ژ بۆی خوەدیێن وێ یێن رەسەن. ئەڤە بریارەکا گونجاوە و ڤەگەراندنا مافانە ژ بۆ خوەدی مافان، ب ڤێ هەلکەفتێ ئەز دەستخوەشیێ ل سەرۆکاتیا پارلامەنتۆیا ئیراقێ، فراکسیۆنێن کوردستانی و ھەموو کەسێن کو د دەرخستن و پەسەندکرنا ڤێ پرۆژە یاسایێ دە رۆل گێرایە دکم، و سپاسیا وان دکم.
ھێڤیدارم ئەڤە ببیتە دەستپێکا راستکرنا ھەموو وان شاشی و نەراستیێن کو ل دژی بەرژەوەندیێن وەلاتیێن ئیراقێ ب درێژاھیا دیرۆکا دەولەتا ئیراقێ ھاتنە کرن.
مەسعوود بارزانی
21 چلە
