ئەنجوومەنا نشتیمانی یا کورد ل سووریەیێ (ئه‌نه‌كه‌س)ێ داخویانیەک ل سەر کوشتنا ئسماعیل فه‌تاح بەلاڤ کر، هەروەسا هه‌سه‌دێ و هێزێن ئەولەکاریێ یێن ب سەر په‌یه‌دێ ڤە بەرپرس دبینە.
ئه‌نه‌كه‌سێ گۆت، د 16ێ ڤێ مەهێ دە مالباتا ئسماعیل فه‌تاح راگهاند کو ئەو ل دەڤەرا چل ئاغا یا دێرکێ وەندا بوویە، پشتی لێپرسینێ دیار بوو کو ل با رێڤەبەریا په‌یه‌دێ گرتییە، مالباتا وی و شێنیێن دەڤەرێ ب نووچەیا دیتنا تەرمێ ئسماعیل ل گوندەوارێ تربەسپیێ شەڤا 19ێ مەهێ ماتمایی مان کو، ژ ئالیێ هەمان هێزێن ئەولەکاریێ ڤە هات راگهاندن.
ئەنجوومەنا نشتیمانی یا کورد ل سووریەیێ ئه‌نه‌كه‌سێ کوشتنا ئسماعیل فەتاهحێ ئەندامێ ئەمینداریا گشتی ب توندی شەرمەزار کر و سەرساخی ژ مالبات، کەسووکارێن وی و ئەندامێن خوە رە خوەست.
ئه‌نه‌كه‌سێ ئاماژە ژی دا، کریارێن وەها و کوشتنا خەباتکار ئسماعیلێ کو ب دلسۆزی خزمەتا گەلێ خوە کریە، د ڤان دەمێن هەستیار دە بزاڤێن ئاڤاکرنا باوەریێ و یەکرێزیا کوردی ژ ناڤ دبن.
ئه‌نه‌كه‌سه، هه‌سه‌دێ و هێزێن ئەولەکاریێ یێن ب سەر په‌یه‌دێ ڤە بەرپرس دبینە و داخوازا دیارکرنا هوورگولیێن تاوانێ ژ رایا گشتی رە و دادگەهکرن و سزاکرنا تاوانباران دکە.
