به‌رخوه‌دانا ساخته‌ یا په‌كه‌كێ خه‌ته‌ریا هه‌ری مه‌زنه‌ ل سه‌ر گۆندێن دهۆكێ

ب سه‌ده‌ما لڤ و ته‌ڤگه‌را چه‌كدارێن په‌كه‌كێ یا ل نێزی گوند و باژارۆكێن پارێزگه‌ها دهۆكێ، د دو رۆژێن رابووری ده‌ ئارتێشا تركیێ ب ده‌هان بۆمبه‌ ل ده‌ڤه‌رێن دێره‌لۆك و به‌رواری بالا باراندنه‌، ئێریشان زراره‌كه‌ مه‌زن ل په‌ی خوه‌ هشتیه‌، رێخستنا په‌كه‌كێ ل ژێر ناڤێ به‌رخوه‌دانا ساخته‌ دخوازه‌ گوندێن دهۆكێ وێران بكه‌ و بكه‌ هه‌رێمێن عه‌سكه‌ری.

ل گۆری ئامارا په‌ڤچوونێن په‌كه‌كێ و ئارتێشا تركیێ یێن ژ 21 چله‌یا ئیسال 2025ێ ڤه‌، 4 گوند و هه‌رێمێن ده‌ڤه‌رێن به‌رواری بالا و دێره‌لۆكێ كه د ئۆپه‌راسیۆنا په‌نجه‌ ده‌ هاتنه‌ بۆردومان كرن، ده‌وله‌تا ترك ئێریش دژوار كرنه‌، په‌كه‌كێ ژی ته‌ڤگه‌را چه‌كدارێن خوه‌ پێتر نێزی گوندان كریه‌.

ئه‌ڤ ده‌ر ژ 21ی چله‌یا 2025ێ ڤه‌ كه‌تنه‌ به‌ر ئێریشان:

1. پشتا گوندێ گوهەرزێ.

2. گەلیێ دێرا ‏ل ناحیا کانی ماسێ.

3. چیایێ مەتینا.

4. هنداڤی گەلیێ بێشیلێ ل دەڤەرا بەرواری بالا.

ئێریش ووسا بوون:

21\1\2025ێ:

• ده‌مژمێر ‎10:50‏ شەڤێ بالافرێن ئارتێشا تركیێ پشتا گوندێ گوهەرزێ ل ناحیا دێرەلوکێ ل دەڤەرا نهێلیا بۆردومانکریە.

22\1\2025ێ:

• دەمژمێر ‎11:15‏ تا ‎11:45‏ سپێدێ ئارتێشا تركیێ گەلیێ دێرا ‏ ل ناحیا کانی ماسێ ل دەڤەرا بەرواری باڵا تۆپبارانکریە و زێدەتری ‎10‏ دەهـ گوللـه‌تۆپان لێداینە.

• دەمژمێر ‎11:35‏ سپێدێ بالافرێن ‏ ئارتێشا تركیێ هەمان گەلی بۆردومانکریە ی ئێک مووشەک لێدایە.

• دەمژمێر ‎2:00‏ تا ‎3:00‏ نیڤرۆ ئارتێشا تركیێ چیایێ مەتینا ل‏ دەڤەرا بەرواری بالا تۆپبارانکریە و ‎6‏ گوللـه‌تۆپ لێداینە.

• دەمژمێر ‎6:15‏ ئێڤاری بالافرێن ئارتێشا تركیێ هنداڤی گەلیێ بێشیلێ ل دەڤەرا بەرواری بالا بۆردومانکریە و ئێک مووشەک لێدایە.

• دەمژمێر ‎10:00‏ شەڤێ بالافرێن ئارتێشا تركیێ پشتا گوندێ گوهەرزێ بۆردومانکریە.

ژ خزیرانا سالا رابووری 2024ێ ئارتێشا تركیێ قووناغه‌كه‌ نوو ژ ئۆپه‌راسیۆنا په‌نجه‌ ل دژی په‌كه‌كێ ل باشوورێ كوردستانێ ده‌ستپێكربوو، رۆژانه‌ گوندێن دهۆكێ د ڤێ ئۆپه‌راسیۆنێ ده‌ دهاتن بۆردومان كرن.

ل داوییا سالێ سه‌رۆككۆمارێ تركیێ ره‌جه‌ب تاییب ئاردۆگان گۆت كو ئه‌وێ ل سالا نوو ئێریشێن خوه‌ یێن ب باندۆر ل دژی په‌كه‌كێ ل هه‌ر ده‌رێ ده‌وام بكن،  لوما ژی ژ ده‌ستپێكا سالا نوو ڤه‌ ئارتێشا تركیێ دیسا ئێریشێن هه‌وایی یێن ل دژی په‌كه‌كێ ل باشوورێ كوردستانێ دژوار كرنه‌ و د 6 رۆژێن داوین ده‌ ب ده‌هان جاران ئێریشی گوندێن دهۆكێ كرییه‌.