ب ئێریشێن ئاسمانی یێن ده‌وله‌تا ترك، ئیرۆ 13 چه‌كدارێن رێخستنا په‌كه‌كێ ل چیایێن گاره، مه‌تینا و خاكوركێ هاتنه كوشتن، دوهـ رۆژا شه‌می ژی 3 چه‌كدار ل حه‌فته‌نینێ كه‌تن به‌ر ئێریشان.
وه‌زاره‌تا پاراستنا نه‌ته‌وی یا تركیه‌یێ، ئیرۆ رۆژا یه‌كشه‌می 26 چله‌یا 2025ێ راگهاند، ل هه‌رێمێن خاكورك، گاره و مه‌تینایێ ئێریشێن ئاسمانی ل دژی رێخستنا په‌كه‌كێ هاتنه ئه‌نجام دایین.
ده‌ستنیشان كر، د ئێریشان ده، 13 چه‌كدارێن رێخستنێ هاتنه كوشتن.
دوهـ رۆژا شه‌می 25 چله‌یێ ژی، ده‌وله‌تا ترك ئێریش ل باشوور و رۆژئاڤا كوردستانێ ئه‌نجام دانه، 3 چه‌كدار ل حه‌فته‌نینێ و 2 ژی ل هه‌رێما ئۆپه‌راسیۆنا كانیا ئاشتیێ كوشتنه.
وه‌زاره‌تا پاراستنا نه‌ته‌وی یا تركیێ د داخویانیێ ده دبێژه: «ئۆپەراسیۆن وێ بلەز و دائیمی دەوام بکن».
