په‌كه‌كێ مرنا ڤان 3 كه‌چان ژ 2017ێ ڤه ڤه‌شارتبوو
ناسنامه‌یا 3 كه‌چێن دن یێن كوردان ئاشكه‌ره بوو كو په‌كه‌كێ ل سالێن 2017 – 2024ێ دا بوونه كوشتن و هه‌یا رۆژا مه یا ئیرۆ مرنا وان ڤه‌شارتی هشتبوو.
په‌كه‌كێ ئیرۆ رۆژا دوشه‌می 27 چله‌یا 2025ێ ناسنامه‌یا 3 چه‌كدارێن خوه یێن كه‌چ ئاشكه‌ره كر كو ل سالا رابووری 2024ێ و هه‌روها ل سالا 2017ێ ل هه‌رێمێن زاپێ، خاكوركێ و ئه‌لكێ یا بۆتانێ دابوونه كوشتن و مرنا وان ژ وێ ده‌مێ ڤه ڤه‌شارتبوو.
ناسنامه‌یێن وان وسایه:
زیلان ئازاك (سه‌ما) ل خاكوركێ ل نیسانا 2024ێ هاتیه كوشتن.
به‌تۆل ئایدن (سۆزدار) ل تیرمه‌ها 2024ێ ل ئه‌لكێ یا بۆتانێ هاتیه كوشتن.
بەرفین بازانجر (سه‌ران) ل زاپێ ل حه‌زیرانا 2017ێ هاتیه كوشتن.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان پارڤه‌دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
